Subed el tilobed er a 7/01/2022

Doken silasil en COVID-19 kan kalikehdi mwarahkpeseng en COVID nan wehi.
Dehs en COVID-19 kan
Kalikehdi mwarahkpeseng en COVID-19
Ma ke soumwahu
Apwahlih ahmw peneinei


     

Mehn kaweid kapw:

Koaros me sounpahr 5 de laud sang kak iang ale doken silasil ong COVID-19.  Mendahte ma ke alehier dok en silasil o, ken doulahte oh apwalihiuk oh amw peneinei oh kempoakepahmw kan.  Mihmi ni ihmw ma ke soumwahu, wudenda pehmw kan, oh sewese amw peneinei oh kempoakepahmw kan ren kak mengei en alehdi sawas sang pali en apwalih me me soumwahu en nan moange kan.

Doken silasil en COVID-19 kan kalikehdi mwarahkpeseng en COVID nan wehi.

Ia mwomwen ahi kak ale doken silasil en COVID-19?

Mie mwomwe tohto en ale doken silasil en COVID-19:

  • Diar wasa ale doken silasil ni Oregon Vaccine Locator

  • Kahlih 211 de 1-866-698-6155 pwehn diar imwen wini de wasahn pwain wini karanih kowe.

  • Kousapw (County) en Multnomah kaukaule wiahda koasoandi en ale doken silasil ong COVID-19 ni clinic kan. Ketla ni Clinic kan En Multco Ehuehu Wik de eker 503.988.8939 pwehn kalaudehla omw wehwehki duwen ire kan.

Dahme pahn wiawi ni ahme ale doken silasil

  • Ke SOHTE anahne mweimwei en kin mihmi nan U.S. 

  • Ahmw ale doken silasil de soh SOHTE pahn kawekila ahmw mweimwei en mih nan wehi de wiahda publich charge ieu. 

  • Ke sohte anahne nempe en social security. 

  • Ke sohte anahne pilahn en sawas en pwain wini.

  • Doken silasil sohte pweipwei.

Anahne sawas en kohla wasa ale doken silasil? Kahlih 211 de 1-866-698-6155.

COVID-19 Kakehlepen Dok:

Ehu kakehlepen dok iei ehu dok me kapatapatieng dok wet ohng aramas me iangehr ale dok en silasil pwe en kak wiahda dok en silasil oa en kak wie doadoahk wen ansou iou. 

Komw kak ale ehu tepin dok tohrohr ma e lelehr :

  • Sounpwong 5 mwurin omw alehdi dok keriau en Pfizer de Moderna
  • Sounpwung 3 mwurin omw alehdi dok kesilu en Pfizer de Moderna ma omwi immune system luwet (immunocompromised)
  • Sounpwong 2 mwurin omw alehdi doken silasil en Johnson & Johnson

Koaros me sounpahr 12 de laud sang anahne ale arail tepin doken tohrohr.

Dok tohrohr ong seri kan kakehr kowohng seri me sounpahr 5 lel 11. E keieu kesempwal ong seri kan en alehdi ar tepin dok kan en COVID-19.
 

Keriaun dok tohrohr (second booster)

Keriaun dok tohrohr kakehr kowohng ekei aramas mwurin sounpwong 4 sang ahnsou me re alehdi tepin dok tohrohr o.

  • Keriaun dok tohrohr kakehr kowohng aramas me sounpahr 12 de laud sang oh ahneki immune system me luwet oh ong aramas laud koaros me sounpahr 50 de pohnangih E kesempwal aramas laud kan en ale keriaun dok tohrohr o, iangahki aramas me ar immune system luwet, oh aramas kan me kohwahki soumwahu me kahrehiong irail en mih nan keper en iangada soumwahu laud en COVID-19.

Ire teikan:  Dok tohrohr kan oh dok kesiluh kan (OHA)

Ire teikan: : Kakehlepen dok en COVID-19  de kakehlepen dok en silasil oh kesiluh en dok (OHA)

Wini en kalikehdi soumwahu pid seri sounpar 5 de laud sang

  • Aramas laud men sohte anahne iang seri sounpar 15-17 oh sohte anahne kihda mweimwei nan wehi en Oregon. Se peki seri kan en koasoaiheng arail pahnpa, nohno, de sounsilasil pwehn ale mweimwei mwuhr. 

  • Pahpa, nohno, de sounsilasil men anahne iang seri sounpar 5 -14.

  • Ma pil ehu soang en aramas laud iang seri, re anahne kihda mehn kadehde me kaslehda seri alehda mweimwei. Pahpa, nohno, de sounsilasil men pil pahn anahne sapeng kalelepak kan pid roson nan dengwa. Mehn kadehde pid mweimwei wehwehki:

    • Doaropwe me re sainih, de

    • Doaropwe me iangahki eden pahpa/nohno/sounsilasil, ia mwomwen re peneineiki, en seri ah rahn en ipwidi, lokaia me kaslehda me aramas laudo kihda mweimwei en seri en ale wini, oh sain en pahpa/nohno/sounsilasil.

Tehk pil ire teikan:  “ Doken silasil en COVID-19 ong Seri Tikitik kan” oh “Doken silasil en COVID-19 ong Seri Pwulopul kan.”

Liseian oh kedihdi oh Dok en sialsil en COVID-19

Aramas me liseian de me apwte liseianda me kin keioun kehieng de kin inenen soumwahu da oh kokihla imwen wini pwehki COVID-19. pwehki met CDC kin kangoangehki  aramas en iang ale dok en silasil en COVID-19 de kakehlepen dok en silasil ohng aramas me:

  • liseian, 
  • apwtehn liseianda (iangahki irail kan me kin kedihdi), 
  • me songosongen liseian met, de me pan liseian mwuhr kan.

kilang mehn kaweid ohngliseian, kedihdi oh dok en silasil en COVID-19

Ire Kan Laud Pid Wini en Kalikehdi COVID-19

[ Pwurala powe ie ]

Dehs en COVID-19 kan

Ke anahne ale dehs en COVID-19 ma ke soumwahukihda lipwe suwed kan de mih karanih pil emen me soumwhaukihda COVID-19. Met wehwehki ke mih rehn neh 6 ni minit 15 de laud sang nan ehu rahn, mehnda ke doadoahngki masukun ieu.  Kalaudehla omw wehwehki duwen “Keseu ong COVID-19 ” 

Ma ke soumwahu de ke karanih aramas me COVID-19, ke pan anahne mihmi ni imwomw wen ansou iou. Eker 2-1-1 ma komw anahne sawsa.  Rapahki sawas en rapahkihda mehn kaweid: Mehn sawas sang nan wasahn kousoang kan

[ Pwurala powe ie ]

Kalikehdi mwarahkpeseng en COVID-19 

Soumwahu me kahrehda COVID-19 kak mwarahkpeseng aramas ni mwomwen mengei ieu. Pwehn dehr soumwahuda de kadaurpeseng mwahs wet:

  • Ale doken silasil

  • Mih nan imwomw ma soumwahu 

  • Pwungki oh konehng doadoadoahnki mehn pere mese

  • Emwiemwiki pehmw kan seken 20 de laud sang

  • Dehr dahke mesomw

  • Perehla ahmw kopokop oh asi kan

  • Mih neh 6 de laud sang dohsang aramas me kaidehn tohnimwomw kan.

  • Kamwakelekel dipwisou kan

Aramas kan me kohwaki soumwahu en mwop, soumwahu en suke, de mongiong de ngolingol, mih nan keper laud en iangada soumwahu laud sang COVID-19.  Kilang  “ Iren sawas kan ong komwi ma komw kousoan rehn aramas tohto.”

Masukun kan

Tepid sang March 12, doadoahngki mask ni pali laud en loalen wasa kan me aramas tohto kin kohla ie, solahr anahn nan wehin Oregon. Wasahn doadoahk oh pisnes kan kak pein wiahda ar koasoandi kan ong doadoahngki mask. Mask kin kadoadoahkte nan wasa kan me duwehte wasahn wini ape. 

Pwehki eh nohn laud parapeseng en COVID, Multnomah County Public Health kangoange aramas en doadoahngkihte mask loalen ihmw de wasa kan lao imwilahn June, ni ahnsou me re kasik soumwahu en COVID en kohdi de tikitikla. Doadoahngki mask loalen wasa kan me pokon mih ie uhdahn kesempwal ma komwi emen me saikinte ale doken silasil ong COVID-19 de ma komwi emen me mih nan keper oh mengei en alehdi soumwahu laud.
 

Koledi ekei sang ni pali en pwuhk en Multnomah County:  Mehn pere mese, de mehn perehre oh COVID-19: Dahme ke anahne wia 

[ Pwurala powe ie ]

Ma ke soumwahu

Ma ke tepida soumwahukihda :

  • Mih nan imwomw oh dohsang aramas teikan. 

  • Ale mehn sosohng me kaka. Ekehr omw toahkte de wasahn wini pwehn ale mehn sosohng. De Diar ehu mehn sosohng en COVID-19. 

  • Mih nan imwomw lel ansou me tohnwini de klinik ndaionguhk ke kak pwurehng kohkohseli.

  • Wia wiewia mwahu kan ni soumwahu: meir, kommoal, oh nim pihl.

Ma komw ale keseu oh dierek me komw iangada:

  • Armas me iang soumwahu en COVID-19 anahne en mih nan imwarail erein rahn 5, mwurin mwo doadoahngki mask erein rahn 5 ni ar mih nanpwungen aramas teikan. Skuhl kan pahn pouselahte sohte mweidong seri kan nan skuhl erein rahn 5 ma re ahneki irair kan en soumwahu o de e dierek me re iang soumwahu en COVID-19.

Eker omwi toahkte ni ahnsou mwadang. Omwi sounpahr oh irair en omwi roson mwahu me pahn kasalehda ma mie sawas en wini de soh.  Ekei sawas en wini kan ong soumwahu en COVID-19 anahne en tepida erain rahn 5 sang ahnsou me irair en soumwahu o tepida pwarada.

Ale sawas en wini ni mwadang ma ke soumwahukihda soang en lipwe suwed pwukat:

  • Apwahl en esingiehk

  • Medek en mwaremware

  • Sahliel

  • Sohte kak pirada

  • Poh mei de poh pehs (grey) de mesomwen

  • Medek en kapehde

  • Kahlih 911 de kohla ni imwen wini

  • Ndaiongirail me kowe de aramas me ke sewese soumwahukihda COVID-19.

Rapahkihda me pid wiepen lihp en soumwahu, iahd ke kak pwurala doadoahk, oh ma ke anahne ndahng amw kaun me ke des oh ke iang soumwahu en COVID-19.  Kilang “COVID-19 oh mwomwen apwalih amw doadoahk-ndahng amw kaun me ke iang soumwahu en COVID-19

[ Pwurala powe ie ]

Ale sawas ohng kowe oh amw peneinei.

Ma sohte ahmw tohnwini men, kahlih 211 der Multnomah County Primary Care Health Centers 503-988-5558. Mie sawas en kawehwe. Ni klinik en Multnomah County

  • Ke sohte anahne sawas en pwain wini.

  • Ke sohte anahne kapidolong.

  • Ke kak ale sawas mehnda sohte ahmw mweimwei en mih nan wehi wet.

  • Se sohte pahn kihong polis de ehu soang en pwihn ire kan pid kowe.

Immigration and Customs Enforcement ahniki kosonned en sohte poarok nan imwen wini, ohpihs en tohnwini kan, klinik kan, oh soang en imwen wini tohohr. 

Ma ke ale sawas pid COVID-19, sohte lipwe suwed ni ahmw peki mweimwei en mihmi nan United States. Wadek duwen Public Charge.

Koledi ekei sang ni pali en pwuhk en Multnomah County: “wiepe kan en apwalih kahpwal wet” 

Ire Kan

[ Pwurala powe ie ]

Kalelepak kan?

Kilang 211 info  de kahlih 2-1-1 nan pwungen 8 am oh 11 pm. Mie sawas en kawehwe.