Updated:

5/27/2021

Aramas koaros sounpar 12 de laud sang nan Oregon kak ale wini en kalikehdi soumwahu en COVID-19. (Seri sounpar 12-17 kak ale ihte wini en Pfizer)  

Mehnda ma ke alehdahr wini, tehk mwahu me ke dadaur mih ni roson mwahu oh pil ahmw peneinei oh kempoakepahmw kan: emwieimw, mih neh 6 dohsang meteikan, oh tuhwong aramas ni pwihn tikitik kan. Doadoangki ahmw masukun ni ahmw kohkohseli.

Wini en kalikehdi COVID-19 pahn sewese wehi dehr soumwahukihda COVID.

Ia mwomwen ahi kak ale wini en kalikehdi COVID-19?

Diarada wasa ni Oregon Vaccine Locator. Nan wasa tohto ke kak koasoane ansou en ale wini de pwarada oh ale ni mwadang. Klinik en Wini en Kalikehdi COVID-19 nan Multnomah County COVID-19.

  • Ke SOHTE anahne mehn U.S. 

  • Ale wini wet sohte pahn kawekila ahmw mweimwei en mih nan wehi de wiahda public charge ieu. 

  • Ke sohte anahne kihda nempe en social security. 

  • Ke sohte anahne doaropwe en i.d. 

  • Ke sohte anahne sawas en pwain wini.

  • Ke sohte anahne pwainda wini wet.

Wini en kalikehdi soumwahu pid seri sounpar 12 de laud sang

  • Aramas laud men sohte anahne iang seri sounpar 15-17 oh sohte anahne kihda mweimwei nan wehi en Oregon. Se peki seri kan en koasoaiheng arail pahnpa, nohno, de sounsilasil pwehn ale mweimwei mwuhr. 

  • Pahpa, nohno, de sounsilasil men anahne iang seri sounpar 12-14.

  • Ma pil ehu soang en aramas laud iang seri, re anahne kihda mehn kadehde me kaslehda seri alehda mweimwei. Pahpa, nohno, de sounsilasil men pil pahn anahne sapeng kalelepak kan pid roson nan dengwa. Mehn kadehde pid mweimwei wehwehki:

    • Doaropwe me re sainih, de

    • Doaropwe me iangahki eden pahpa/nohno/sounsilasil, ia mwomwen re peneineiki, en seri ah rahn en ipwidi, lokaia me kaslehda me aramas laudo kihda mweimwei en seri en ale wini, oh sain en pahpa/nohno/sounsilasil.

Ke pil kak:

Ire Kan Laud Pid Wini en Kalikehdi COVID-19

Masukun kan

Kilang padahk en wehi pid masukun kan

Inepw Kan

Inepw tohto dadaur nan Multnomah County. County koaros nan Oregon ale Nempe Pid Uwen Keper nin duwen mwarahkpeseng en COVID-19 nan wehio. Wehi kin kadeik ma nempe pid uwen keper anahne wekila. Diarada nempe en uwen keper nan Multnomah County ni website enOregon Coronavirus Wehwehki soang en wiewia dah mwahu nan padahk en State nin duwen uwen keper nan wehi.

Kalikehdi mwarahkpeseng en COVID-19 

Soumwahu me kahrehda COVID-19 kak mwarahkpeseng aramas ni mwomwen mengei ieu. Pwehn sohte soumwahukihda:

  • Emwiemwiki pehmw kan seken 20 de laud sang

  • Doadoahngki masukun ni ahmw kohkohseli

  • Dehr dahke mesomw

  • Perehla ahmw kopokop oh asi kan

  • Mih neh 6 de laud sang dohsang aramas me kaidehn tohnimwomw kan.

  • Tuhwong aramas ni pwihn tikitik kan likin ihmw ma ke kak

  • Kamwakelekel dipwisou kan

  • Mih nan imwomw uwen ahmw kak

  • Ale wini en kalikehdi soumwahu

Aramas me soumwahukiher soang en soumwahu teikan, duwehte asima, soumwahu en sukar, de soumwahu en mongiong de ngolungol, ahniki keper laud en soumwahukihda COVID-19. Kilang padahk kan pid ia mwomwen ahme kak mih nan roson mwahu ma ke kin mihmi rehn aramas tohto.

Ma ke soumwahu

Ma ke tepida soumwahukihda – iangahki karakar oh kopokop:

  • Mih nan imwomw oh dohsang aramas teikan. 

  • Kahlih tohnwini men oh klinik pwehn wehwehki ma ke anahne ale dehs ieu.

  • Mih nan imwomw lel ansou me tohnwini de klinik ndaionguhk ke kak pwurehng kohkohseli.

  • Wia wiewia mwahu kan ni soumwahu: meir, kommoal, oh nim pihl.

  • Sohte mie wini en kamwahuiala COVID-19.  

Ale sawas en wini ni mwadang ma ke soumwahukihda soang en lipwe suwed pwukat:

  • Apwahl en esingiehk

  • Medek en mwaremware

  • Sahliel

  • Sohte kak pirada

  • Kilin ewemw de mesomw mei

  • Medek en kapehde

  • Kahlih 911 de kohla ni imwen wini

  • Ndaiongirail me kowe de aramas me ke sewese soumwahukihda COVID-19.

Kilang 10 Ways to Manage Respiratory Symptoms at Home pwehn apwahlih pein kowe.

Dehs en COVID-19 kan

Ke anahne ale dehs en COVID-19 ma ke soumwahukihda lipwe suwed kan de mih karanih pil emen me soumwhaukihda COVID-19. Met wehwehki ke mih rehn neh 6 ni minit 15 de laud sang nan ehu rahn, mehnda ke doadoahngki masukun ieu.

Apwahlih ahmw peneinei

Ma sohte ahmw tohnwini men, kahlih 211 der Multnomah County Primary Care Health Centers 503-988-5558. Mie sawas en kawehwe. Ni klinik en Multnomah County

  • Ke sohte anahne sawas en pwain wini.

  • Ke sohte anahne kapidolong.

  • Ke kak ale sawas mehnda sohte ahmw mweimwei en mih nan wehi wet.

  • Se sohte pahn kihong polis de ehu soang en pwihn ire kan pid kowe.

Immigration and Customs Enforcement ahniki kosonned en sohte poarok nan imwen wini, ohpihs en tohnwini kan, klinik kan, oh soang en imwen wini tohohr. 

Ma ke ale sawas pid COVID-19, sohte lipwe suwed ni ahmw peki mweimwei en mihmi nan United States. Wadek duwen Public Charge.

Ire Kan

Kalelepak kan?

Kilang 211 info  de kahlih 2-1-1 nan pwungen 8 am oh 11 pm. Mie sawas en kawehwe.