ကိုရိုနာဗိုင်းရပ်စ် သတင်းအချက်အလက် Burmese

ပြင်ဆင်ခဲ့သောနေ့စွဲ -

6/2/2021

Oregon ရှိ အသက် ၁၂ နှစ် နှင့်အထက် အရွယ်ရှိသူတိုင်း ကိုဗစ် -၁၉ ကာကွယ်ဆေး ရရှိနိုင်ပါသည်။ (၁၂- ၁၇ နှစ် အရွယ်များသည် Pfizer ကာကွယ်ဆေးကိုသာ ရရှိနိုင်ပါသည်)  

သင် ကာကွယ်ဆေးထိုးထားသည့်တိုင် သင့်ကျန်းမာရေးနှင့် သင့်မိသားစု နှင့် မိတ်ဆွေသူငယ်ချင်းများ၏ ကျန်းမာရေးကို ဆက်လက်စောင့်ရှောက်ပါ။ သင် နာမကျန်းဖြစ်ပါက အိမ်တွင်နေပါ၊ သင့်လက်များကို ဆေးကြောပါ၊ ထို့အပြင် မိသားစု နှင့် မိတ်ဆွေသူငယ်ချင်းများအား ကျန်းမာရေးစောင့်ရှောက်မှု နှင့် စိတ်ကျန်းမာရေးဆိုင်ရာ အထောက်အပံ့များ ရရှိနိုင်အောင် ကူညီပေးပါ။

ကိုဗစ် - ၁၉ ကာကွယ်ဆေးများက လူ့အသိုင်းအဝိုင်းအား ကိုဗစ် ရောဂါမှ ကာကွယ်ရာတွင် ကူညီနိုင်ပါသည်

• ကိုဗစ် - ၁၉ ကာကွယ်ဆေးက သင့်အားကာကွယ်ပေးပုံ

• ကိုဗစ် - ၁၉ ကာကွယ်ဆေးများကို ထုတ်လုပ်ခဲ့ပုံ

• ကာကွယ်ဆေး လေ့လာရေးများအတွင်း မျိုးပြောင်းများ

• Johnson and Johnson

• ကိုယ်ဝန်ဆောင်ခြင်း နှင့် မိခင်နို့ တိုက်ကျွေးခြင်း

• သင့်အား ကိုဗစ် - ၁၉ အတွက် ကာကွယ်ဆေးထိုးပေးခဲ့ပါသည်။ အခု ဘာလုပ်ရမလဲ။

ကိုဗစ် - 19 ရောဂါကာကွယ်ဆေးကို ကျွန်ုပ် ဘယ်လိုရရှိနိုင်ပါသလဲ။

ကိုဗစ် - ၁၉ ကာကွယ်ဆေးရရှိရန် နည်းလမ်းများစွာရှိပါသည် -

•  Oregon ကာကွယ်ဆေးထိုးရန် နေရာရှာမှု ကို အသုံးပြု၍ ကာကွယ်ဆေးထိုးသည့် နေရာတစ်ခုကိုရှာပါ။

• သင့်အနီးအနားရှိ ဆေးခန်း သို့မဟုတ် ​ဆေးဆိုင်တစ်ခုကို ရှာတွေ့ရန် 211 ကိုခေါ်ဆိုပါ သို့မဟုတ် ဖုန်းနံပါတ် 1-866-698-6155 ကို ခေါ်ဆိုပါ။

• မော်နိုးမားကောင်တီက ပုံမှန်စီစဉ်ထားသည့် ကိုဗစ် - ၁၉ ကာကွယ်ဆေးပေးခန်းများကို အင်္ဂါနေ့ - စနေနေ့ အထိ ဖွင့်ပေးပါသည်။ ထပ်ဆောင်းအချက်အလက်များ ရရှိရန်Multco Weekly Clinicsကို ဝင်ရောက်ကြည့်ရှုပါ သို့မဟုတ် ဖုန်းနံပါတ် 503.988.8939 ကိုခေါ်ဆိုပါ။

သင်၏ ကာကွယ်ဆေးထိုးချိန်တွင် ဘာကို မျှော်မှန်းထားရပါမလဲ။

• သင့်သည် အမေရိကန် နိုင်ငံသားတစ်ဦးဖြစ်ရန် မလိုပါ။ 

• ကာကွယ်ဆေးထိုးခြင်းက သင်၏ လူဝင်မှု အခြေအနေအပေါ် သက်ရောက်မည်မဟုတ်သလို ပြည်သူ့ငွေ သုံးစွဲမှုတစ်ခုအဖြစ် မမှတ်ယူပါ။ 

• သင့်အနေဖြင့် လူမှုဖူလုံရေးနံပါတ်တစ်ခု ရှိစရာ သို့မဟုတ် ပေးစရာမလိုပါ။ 

• သင့်ထံတွင် သက်သေအထောက်အထားရှိရန် မလိုအပ်ပါ။ 

• ကျန်းမာရေးအာမခံ မလိုအပ်ပါ။

• ကာကွယ်ဆေးက အခမဲ့ဖြစ်ပါသည်။

သင့် ကာကွယ်ဆေးထိုးရန် ချိန်းဆိုမှုသို့သွားရန် ယာဉ်စီးဖို့ လိုပါသလား။ 211 ကို ဖုန်းဆက်ပါ သို့မဟုတ်1-866-698-6155 ကို ဖုန်းဆက်ပါ။

အသက် ၁၂ နှစ် နှင့်အထက် ကလေးများအတွက် ကာကွယ်ဆေးများ

• ၁၅- ၁၇ နှစ်အရွယ်များအနေဖြင့် ၄င်းတို့နှင့်အတူ အရွယ်ရောက်ပြီးသူလူကြီးတစ်ဦး ပါလာရန်မလိုပဲ အော်ရီဂွန်းပြည်နယ်တွင် မိဘ၏ ခွင့်ပြုချက်တစ်ခု မလိုပါ။ ဆေးဖက်ဆိုင်ရာ ဆုံးဖြတ်ချက်ချမှတ်ရာတွင် ယုံကြည်ရသည့် အရွယ်ရောက်ပြီးသူများကို ထည့်သွင်းရန် လူငယ်များအား ကျွန်ုပ်တို့ တိုက်တွန်းအားပေးပါသည်။ 

• ၁၂- ၁၄ နှစ်အရွယ်များအနေဖြင့် ၄င်းတို့နှင့်အတူ မိဘ၊ အုပ်ထိန်းသူ သို့မဟုတ် မိဘမှ တာဝန်သတ်မှတ်ပေးထားသူတစ်ဦးပါရပါမည်။

• ကိုယ်ဝန်ဆောင် သို့မဟုတ် အုပ်ထိန်းသူတစ်ဦးမဟုတ်သည့် တစ်စုံတစ်ဦးက ၁၂- ၁၄ နှစ် အရွယ်နှင့်အတူလာပါက ၄င်းတို့အနေဖြင့် မိဘ/အုပ်ထိန်းသူ သဘောတူခွင့်ပြုချက် သက်သေပေးရန် လိုအပ်ပါလိမ့်မည်။ ဆေးဖက်ဆိုင်ရာ မေးခွန်းအချို့ကို ဖြေကြားပေးရန် မိဘ သို့မဟုတ် အုပ်ထိန်းသူတစ်ဦးက ဖုန်းနား ရှိနေရန်လည်း လိုအပ်ပါသည်။ သဘောတူခွင့်ပြုကြောင်း သက်သေက အောက်ပါတို့ တစ်ခုခုဖြစ်နိုင်ပါသည် -

  • လက်မှတ်ထိုးထားသည့် သဘောတူခွင့်ပြုချက် ဖောင်ပုံစံ၊ သို့မဟုတ်

  • မိဘ/အုပ်ထိန်းသူများအမည်၊ အရွယ်ရောက်လူငယ်နှင့် ၄င်းတို့၏ တော်စပ်ပုံ၊ အရွယ်ရောက်လူသယ်၏ မွေးနေ့၊ အရွယ်ရောက်လူငယ် ကာကွယ်ဆေးထိုးခြင်းကို မိဘ/အုပ်ထိန်းသူမှ သဘောတူခွင့်ပြုကြောင်းဆိုထားသည့် ဖော်ပြချက်ပါသည့် စာဖြင့်ရေးသားထားသော သို့မဟုတ် စာရိုက်ထားသော မှတ်ချက်တစ်ခု။

အောက်ပါကိုလည်း သင်လုပ်နိုင်ပါသည် -

• Oregonပြည်နယ်၏ Oregonပြည်နယ်အတွင်း ကိုဗစ် - ၁၉ ကာကွယ်ဆေးတစ်မျိုး ရှာဖွေပုံ” ဝက်ဘ်ဆိုက် သို့ ဝင်ရောက်ကြည့်ရှုခြင်း။ 

• ဖုန်းနံပါတ် 211 သို့မဟုတ် 1-866-698-6155 သို့ အားလပ်ရပ်များအပါအဝင် နေ့စဉ် နံနက် ၆ နာရီ - ည ၇ နာရီအတွင်း ခေါ်ဆိုပါ။

• မည်သည့်နေရာတွင် ကာကွယ်ဆေး သင်ရရှိနိုင်ကြောင်း စာသား/SMS အပ်ဒိတ်များ ရရှိရန် 898211 သို့ ORCOVID စာသားပို့ပါ (အင်္ဂလိပ် နှင့် စပိန်ဘာသာဖြင့်သာ)

• ORCOVID@211info.org သို့ အီးမေးလ်ပို့ပါ (ဘာသာစကားအားလုံးဖြင့်)

ကိုဗစ် - ၁၉ ထပ်ဆောင်း ရင်းမြစ်များ ရရှိရန်

• ကိုဗစ် - ၁၉ ကာကွယ်ဆေး၏ ဘေးထွက်ဆိုးကျိုးများ

• သင် ကာကွယ်ဆေး အပြည့်ထိုးပြီးသွားပါပြီ။ အခု ဘာဆက်လုပ်မလဲ။

• ကိုဗစ် - ၁၉ ကာကွယ်ဆေးများ နှင့် နောက်ခံ ဆေးဖက်ဆိုင်ရာ အခြေအနေများ

• အသက် ၁၂- ၁၇ နှစ် အရွယ်များအတွက် ကိုဗစ် - ၁၉ ကာကွယ်ဆေးများနှင့် ပတ်သက်၍ မေးလေ့မေးထရှိသော မေးခွန်းများ

နှာခေါင်းစည်းများ၊ ခပ်ခွာခွာနေခြင်းများ နှင့် လူစုဝေးခြင်းများ

အော်ရီဂွန်ပြည်နယ်က ကိုဗစ် - ၁၉ ကန့်သတ်ချက်အများစုကို ဖယ်ရှားလိုက်ပါသည်။ စီးပွားရေးလုပ်ငန်းအတော်များများတွင် နှာခေါင်စည်းများဝတ်ဆင်ခြင်း နှင့် ခပ်ခွာခွာနေခြင်းတို့ကို ဆက်လုပ်ရန် မလိုတော့ပါ။ လူပုဂ္ဂိုလ်များ နှင့် အဖွဲ့များအနေဖြင့် မည်သည့်လူအရေအတွက်မဆိုဖြင့် လူစုဝေးခြင်းများ ကျင်းပနိုင်ပါသည်။ 

နှာခေါင်စည်းများ ဝတ်ဆင်ခြင်း နှင့် ခပ်ခွာခွာနေခြင်း ဆက်လုပ်ရန် လိုအပ်သည့်နေရာများမှာ -

• လေဆိပ်များ နှင့် အများသုံးသယ်ယူပို့ဆောင်ရေး ချိတ်ဆက်ရာနေရာများ

• အရွယ်ရောက်ပြီးသူ နှင့် လူငယ် ထိန်းသိမ်းရေး ဌာနများ

• ကျန်းမာရေးစောင့်ရှောက်မှု ဆက်တင်များ

• ခိုလှုံရေး နှင့် အကူးအပြောင်းကာလ ဂေဟာများ

မော်နိုးမားကောင်တီ ပြည်သူ့ကျန်းမာရေး အကြံပေးဌာန - အကယ်၍ သင် အပြည့်အဝ ကာကွယ်ဆေးမထိုးရသေးပါက နှာခေါင်းစည်းကို ဆက်လက်ဝတ်ဆင်ရန် နှင့် ခပ်ခွာခွာဆက်နေရန် ကျွန်ုပ်တို့ တိုက်တွန်းအကြံပြုပါသည် -

• သင်နှင့်အတူမနေထိုင်ပဲ အပြည့်အဝကာကွယ်ဆေးမထိုးရသေးသည့် လူအများပတ်လည် အဆောက်အဦးများအတွင်း သင်ရှိနေပါက နှင့်

• အဆောက်အဦးများအတွင်း လူအများကြားသင်ရှိနေချိန် သို့မဟုတ် သင့်ပတ်လည်ရှိ တစ်ဦးဦးသည် ကာကွယ်ကွယ်ဆေးထိုးပြီးမပြီး သင်မသိပါက

အပြည့်အဝကာကွယ်ဆေးထိုးထားသည် ဆိုသည်မှာ ဖိုက်ဇာ သို့မဟုတ် မိုဒါးနား ကာကွယ်ဆေး ဒုတိယထိုးဆေး ထိုးပြီးနောက် ၂ ပတ်အကြာ သို့မဟုတ် ဂျွန်ဆင် နှင့် ဂျွန်ဆင်ကာကွယ်ဆေး ထိုးပြီးနောက် ၂ ပတ်ကြာအပြီးကို ဆိုလိုပါသည်။

ပိုမိုဖတ်ရှုရန် - အော်ရီဂွန်း နှာခေါင်းစည်း ဝတ်ဆင်ခြင်းဆိုင်ရာ အချက်အလက်များ

ကိုဗစ်-19 ပျံ့နှံ့မှုကို ကာကွယ်ပါ 

ကိုဗစ်-19 ရောဂါဖြစ်စေနိုင်သော ဗိုင်းရပ်စ်သည် လူတစ်ယောက်မှ တစ်ယောက်ထံသို့ အလွယ်တကူ ကူးနိုင်ပါသည်။ နေမကောင်းဖြစ်ခြင်း မှ ရှောင်ရှားရန် -

• သင့်လက်များကို အနည်းဆုံး ၂၀ စက္ကန့်ကြာအောင် မကြာခဏ ဆေးကြောပါ

• အပြင်ထွက်လျှင် နှာခေါင်းစည်း ၀တ်ဆင်ပါ

• သင့်မျက်နှာကို ထိခြင်းကို ရှောင်ကြဥ်ပါ

• ချောင်းဆိုး နှာချေပါက လက်ဖြင့်အုပ်ကာထားပါ

• သင်နှင့်အတူမနေသောသူများနှင့် အနည်းဆုံး ၆ ပေအကွာတွင်သာနေပါ

• ဖြစ်နိုင်ပါက လူစုဝေးခြင်းများကို လူနည်းနည်း၊ အချိန်တိုတို နှင့် အပြင်ဘက်တွင်သာလုပ်ပါ

• အထိအတွေ့များသော မျက်နှာပြင်များကို သန့်ရှင်းပြီး ပိုးသတ်ပါ

• သွားလာမှုကို ကန့်သတ်ပြီး အိမ်အနီးမှာသာနေပါ

• ကာကွယ်ဆေးထိုးပါ

ပန်းနာရင်ကြပ်၊ ဆီးချို၊ သို့မဟုတ် နှလုံး သို့မဟုတ် အဆုတ်ရောဂါ ကဲ့သို့သော နောက်ခံကျန်းမာရေးအခြေအနေ ရှိသူများသည် ကိုဗစ် - ၁၉ ရရှိကာ လွန်စွာနေထိုင်မကောင်းဖြစ်ဖို့ အန္တရာယ် မြင့်မားပါသည်။  အကယ်၍ သင်သည် လူအများအပြားနှင့် နေထိုင်ပါက ဘေးအန္တရာယ်ကင်းအောင် နေထိုင်ပုံ အကြံဉာဏ်များကို ကြည့်ပါ။

သင်နေထိုင်မကောင်းဖြစ်လျှင်

သင်နေထိုင်မကောင်း စဖြစ်လျှင် - အထူးသဖြင့် ဖျားပြီး ချောင်းဆိုးလျှင် -

• အိမ်တွင်နေပြီး အခြားသူများနှင့် ဝေးဝေးနေပါ။ 

• ပိုးရှိမရှိစစ်ဆေးခံရန်လိုမလို သိရှိရန် သင့်ဆရာ၀န် သို့မဟုတ် ဆေးခန်းကို ဖုန်းဆက်မေးပါ။

• သင့်ဆရာ၀န် သို့မဟုတ် ဆေးခန်းက အပြင်လူအများကြားနေလို့ရနိုင်ပြီဟု ပြောသည်အထိ အိမ်တွင်သာ နေပါ။

• ပိုနေထိုင်ကောင်းအောင် ပုံမှန်နေနေကျအတိုင်း ပြုမူနေထိုင်ပါ - အိပ်ပါ၊ နားပါ၊ အရည်များများသောက်ပါ။

• ကိုဗစ်-၁၉ အတွက် သီးသန့် ဆေးဝါးမရှိပါ။  

သင် သို့မဟုတ် အသက်အရွယ်မရွေး တစ်စုံတစ်ယောက်တွင် အောက်ပါ အရေးပေါ်လက္ခဏာများမှ တစ်ခုခုပြသနေပါက အရေးပေါ် ဆေးဖက်ဆိုင်ရာ စောင့်ရှောက်မှု ချက်ချင်းရယူပါ -

• အသက်ရှူရာတွင် ပြဿနာရှိခြင်း

• ရင်ဘတ်တွင် ဆက်တိုက်နာခြင်း သို့မဟုတ် တစ်ခုခုဖိထားသည်ဟု ခံစားရခြင်း

• လောလောလတ်လတ်ဖြစ်သော စိတ်ရှုပ်ထွေးမှု

• နိုးကြားနိုင်စွမ်း သို့မဟုတ် ဆက်လက်နှိုးကြားနိုင်စွမ်း မရှိခြင်း

• နှုတ်ခမ်း သို့မဟုတ် မျက်နှာ ပြာနှမ်းလာခြင်း

• ဗိုက်အလွန်အမင်းအောင့်ခြင်း

• 911 ကိုဖုန်းဆက်ပါ သို့မဟုတ် သင့်ဒေသန္တရ အရေးပေါ်ဌာနသို့ ဖုန်းဆက်ပါ။

• ဖုန်းကိုင်သူအား သင် သို့မဟုတ် အကူအညီလိုနေသည့်သူတွင် ကိုဗစ်-၁၉ ရှိနေနိုင်ကြောင်း ပြောပြပါ။

မိမိကိုယ်ကို စောင့်ရှောက်ရန်   အကယ်၍ သင်သည် လူအများအပြားနှင့် နေထိုင်ပါက ဘေးအန္တရာယ်ကင်းအောင် နေထိုင်ပုံ အကြံဉာဏ်များ ကို ကြည့်ရှုပါ။

ကိုဗစ်-၁၉ ပိုးရှိမရှိ စစ်ဆေးခြင်း

သင့်ထံတွင် ကိုဗစ် - ၁၉ ရောဂါသွင်ပြင်များရှိပါက သို့မဟုတ် သင်သည် ကိုဗစ် - ၁၉ ရှိသူတစ်ဦးဦးနှင့် အနီးကပ် ထိတွေ့မှုတစ်ခုရှိခဲ့ပါက စစ်ဆေးမှု ရယူသင့်သည်။ အနီးကပ် ထိတွေ့မှုဆိုသည်မှာ တစ်နေ့တာအတွင် နှာခေါင်းစည်း ၀တ်ထားသည်ဖြစ်စေ မ၀တ်ထားသည်ဖြစ်စေ ခြောက်ပေအကွာအတွင်း ၁၅ မိနစ်ထက်ပိုပြီး ရှိနေခြင်းကို ဆိုလိုပါသည်။

• သင်၏ စစ်ဆေးမှုအဖြေများကို စောင့်ဆိုင်းနေစဉ် အိမ်တွင်နေပြီး အခြားသူများထံမှ ဝေးရာတွင် နေသင့်ပါသည်။

• ကိုဗစ် - ၁၉ စစ်ဆေးမှုကို မည်သည့်နေရာတွင် မည်သို့မည်ပုံရယူနိုင်ပုံနှင့် ပတ်သက်ပြီး ထပ်ဆောင်းအချက်အလက်များ ရရှိလိုပါက “မည်သည့်နေရာတွင် ကျွန်ုပ် စစ်ဆေးနိုင်ပါသလဲ” သို့ ဝင်ရောက်ကြည့်ရှုပါ 

• သင် ဆေးစစ်ခံပြီးလျှင် ဘာလုပ်သင့်ပါသည်။ 

သင့်မိသားစုအတွက် စောင့်ရှောက်မှုရယူပါ

သင့်ထံတွင် ဆရာဝန်တစ်ဦးမရှိပါက 211 သို့မဟုတ် Multnomah County အခြေခံကျန်းမာရေး စောင့်ရှောက်မှုစင်တာများသို့ ဖုန်းနံပါတ် 503-988-5558 တွင် ခေါ်ဆိုပါ။ စကားပြန်များ ရရှိနိုင်ပါသည်။ Multnomah County ဆေးခန်းတစ်ခုတွင်

• သင့်တွင် ကျန်းမာရေး အာမခံ ရှိရန် မလိုပါ။

• သင့်တွင် ၀င်ငွေရှိရန် မလိုပါ။

• သင်၏ လူ၀င်မှုအခြေအနေ မည်သို့ပင်ရှိစေကာမူ ကျန်းမာရေးစောင့်ရှောက်မှုများ ရရှိနိုင်ပါသည်။

• ကျွန်ုပ်တို့က သင့်အချက်အလက်များကို ဥပဒေတင်းကျပ်ရေး သို့မဟုတ် လူ၀င်မှုကြီးကြပ်ရေး အရာရှိများကို ပြောပြမည် မဟုတ်ပါ။

ဆေးရုံများ၊ ဆရာဝန် ရုံးခန်းများ၊ ကျန်းမာရေး ဆေးပေးခန်းများ နှင့် အရေးပေါ် သို့မဟုတ် ချက်ချင်းစောင့်ရှောက်ရေးဌာနများ ကဲ့သို့သော ကျန်းမာရေးစောင့်ရှောက်မှု ဌာနများတွင် ဖမ်းဆီးမှုလုပ်ခြင်းအား ရှောင်ကြဉ်ရန် လူဝင်မှုကြီးကြပ်ရေး နှင့် အကောက်ခွန်ဌာန တွင် မူဝါဒတစ်ခု ရှိပါသည်။ 

သင်သည် ကိုဗစ်-၁၉ အတွက် ကုသမှု နှင့် ၀န်ဆောင်မှုများ ရယူခဲ့ပါက သင်လျှောက်ထားသော အမေရိကန်ပြည်ထောင်စုအတွင်း အမြဲတမ်းနေထိုင်ခွင့်အပေါ်တွင် သက်ရောက်မှုရှိလိမ့်မည် မဟုတ်ပါ။ ပြည်သူ့ငွေသုံးစွဲခြင်းနှင့် ပတ်သက်၍ ပိုမိုဖတ်ရှုပါ။

အရင်းအမြစ်များ

• Oregon ကျန်းမာရေးအာဏာပိုင်များထံရှိ ကိုဗစ် - ၁၉ အပ်ဒိတ် အချက်အလက်များ

• Multnomah County စိတ်ကျန်းမာရေးဆိုင်ရာ ခေါ်ဆိုရန်စင်တာ 

• CAWEM

• လူငယ်လူရွယ် နှင့် မိသားစုများ လမ်းညွှန်  

• စီးပွားရေးလုပ်ငန်းများ နှင့် အဖွဲ့အစည်းများအတွက် လမ်းညွှန်များ

• ကိုရိုနာဗိုင်းရပ်စ်အကြောင်း အထွေထွေအချက်အလက်များ၊ ပျံ့နှံ့ပုံ နှင့် ကျန်းမာအောင်နေထိုင်ပုံ

မေးခွန်းများရှိပါသလား။

211 info သို့ ဝင်ရောက်ကြည့်ရှုပါ  သို့မဟုတ်  2-1-1 အား နံနက် ၈ နာရီမှ ည ၁၁ နာရီအတွင်း ခေါ်ဆိုပါ ဘာသာပြန် ရရှိနိုင်ပါသည်။