Emōj kōkkāāl melele: 10/4/2022

Wā eo an COVID-19
Teej ñan COVID-19
Kejbarok an jab ajeeded COVID-19
Ñe kwōj eñjaake am nañinmij
Ebōk kejbarok ñan baamle eo am


Aolep ro 6 alloñ im rūttolak rej maroñ in bōk COVID-19 wā. Jokdoon ñe ejimwe am kar bōk aolep wā ko emōj rojāñ eok kake, wonmanlok wōt ilo am lolojake ejmour eo am im ejmour eo an baamle im ro mottam. Pād wōt mweo imōm ñe kwoj nañinmej, kwale peim, im jibañ baamle im ro mottam bwe en wōr aer jibañ ilo takto im ejmour an kalmenlakjān

Wā ko an COVID-19 rej jibañ kejbarok armij ro ilo jukjukinbed jen COVID

Ewi wāween aō bōke wā eo an COVID-19?

Eloñ wāween ko ñan am bōke wā eo an COVID-19:

  • Bukot juon jikin wā ilo am kōjerbal Kein Kabōk Wā ilo Oregon

  • Kall ae lok 211 ak 1-866-698-6155 ñan bukōt juon jikin taktō ak wia wūno iturim.

  • Eniknik ien an Bukon eo an Multnomah kōmman ien wā ko an COVID-19. Lale Ien Wā ko Aoleb Wiik an Multco ñe ejab kūrlok 503.988.8939 ñan melele ko relablok.

Ta eo kwōn katmāne ilo ien am bōke wā eo

  • KWŌJAB aikuj juonn citizen in Amedka.  

  • Bōke wā eo EBAÑ jelōte jekjekin am maron bed aelon in ak bōnōbōn jibañ in kien rilikin ej bōke ak public charge. 

  • Kwōjab aikuj ak lelok nōmba in social security eo am. 

  • Kwōjab aikuj injuran in taktō.

  • Ejellok wonnen wā eo.

Kwōaikuj ke ialem ñan ien wā eo am? Kall ae lok 211 ak 1-866-698-6155.

Wā in Kakajur in COVID-19:

Juon wā in kakajur ej juon wā eo elablok aurok emōj rōjañ ñan eloñ armij ro emōj aer wā ñan kōmman an wā eo lablok an jejjet an jerbal iomwin ien.

Kwōmaron tōbrak in bōke wā in kakajur eo kein kajuon ilo ien emōj an:

  • Jab diklok jen 5 allon alikin am bōke wā eo an Pfizer ak Moderna
  • Jab diklok jen 3 allon alikin am bōke wā eo kein kajilu an Pfizer ak Moderna elañe emojno an enbwinnim maron bōbrae jen nañinmij
  • Jab diklok jen 2 allon alikin am bōke wā eo an Johnson & Johnson

Aoleb ro 12 aer yiō im rūttolok rej aikuj bōke wā in kakajur eo aer kein kajuon.

Ebar wōr wā in kakajur ko an ajiri ro joñan yiō 5-11. Elabtata an aurok an ajiri bōke wā in COVID-19 ko aer jinoin.

Wā in kakajur ko kein karuo:

Ewōr wā in kakajur ko kein karuo ñan jet armij 4 allon alikin aer bōke wā in kakajur eo aer kein kajuon.

  • Ewōr wā in kakajur ko kein karuo ñan armij ro 12 aer yiō im rūttolok im emojno an enbwinnier maron bōbrae jen nañinmij im aoleb rūtto ro 50 aer yiō im rūttolok. Aurok bōke wā in kakajur eo kein karuo ñan lillab im lōllab ro, armij ro emojno an enbwinnier maron bōbrae jen nañinmij, im armij ro ewōr kadede aer nañinmij im ej likūt er ilo uwōta eo elablok joñan ñan an kauwōtata aer nañinmij kin COVID-19.

Melele eo elablok:  “Wā in Kakajur ko an COVID-19 ”  im “Wā ko relablok”  (OHA) 

Wā ko ñan ajiri ro 6 aer allon – 17 aer yiō

Ruo wā emōj aer melim jān FDA ñan ajiri ro rej eman wōt dettaer āinwot 6 alloñ. Pfizer-BioNTech wā ej ñan ajiri 6 alloñ iumin 5 yiiō. Moderna wā ej ñan ajiri 6 alloñ lak ñan iumin 6 yiiō.

Eloñ ajiri ro rej maroñ in bōk wā ilo opiij in takto eo an ajiri. Jōt jikin ko ilo jukjukin pād eo im jōt jikin kauno rej maroñ bar wā ajiri ro eman dettaer.

Ebar wōr wā in kakajur ko an ajiri ro joñan yiō 5-11. Ej aurok tata ñan ajiri ñan bōk ruo COVID-19 wā (jōt ien etan “wā ko jinion”).

  • Aoleb ro rediklok jen 14 aer yiō aikuj bed jinen ak jemen, rikejbarok, ak bar juon armij emōj an jineir im jemeir jitoñ an bed ibben ajiri eo.

  • Elañe bar juon im ejab jinen ak jemen ak rikejbarok enaj bed ibben jodikdik eo 5-14 an yiō, renaj aikuj letōk kein kamool kin kōmelim eo an jinen ak jemen/rikejbarok. Jinen ak jemen ak rikejbarok eo enaj bar aikuj bojak ilo talebon ñan an uwaake jet kajitōk ko ikijen taktō. Kein kamool eo enaj juon ian men ko:

    • Juon beba in kōmelim, ak 

    • Juon beba emōj jeje ak taip im ekoba etan jinen ak jemen/rikejbarok eo, kadkad eo aer ñan jodikdik eo, raan inlotak eo an jodikdik eo, enaan in kamool ej ba ke jinen ak jemen/rikejbarok eo ej lelok kōmelim bwe jodikdik eo en wā, im jain in etan jinen ak jemen/rikejbarok eo.

  • Jodikdik ro 15-17 aer yiō rejab aikuj an itōk juon rūtto ibbeir, im rejab aikuji kōmelim eo an jinen ak jemen ilo state eo an Oregon. Kim ej rōjañ an jodikdik ro kakoba rūtto ro rej lōke ilo aer kōmman lomnak ikijen taktō.

Lale melele ko relablok: “ Wā in COVID-19 ko ñan Ajiri” im “Wā in COVID-19 ko ñan Jodikdik.” 

Melele ko relablok:

Bōroro im kaninnin im wā eo an COVID-19

Bōroro im kirae ro elablok aer maron lukkun doolol ak etal ñan aujbitol kin COVID-19. CDC elab an rōjañ wā eo an COVID-19 ekoba wā in kakajur ko ñan armij ro rej:

  • rebōroro, 
  • kirae (ekoba ro rej kaninnin),
  • rej kajeoñ in bōroro kiō, ak remaron bōroro ilo jeklaj. 

Lale melele ko relablok ilo Bōroro, Kaninnin, im Wā eo an COVID-19

Jibañ ko Relablok kin Wā eo an COVID-19

[Bar rool ñan iloñ]

Teej ñan COVID-19

Ej aurok tata in teej ñe ewōr am kakōlle in COVID-19 im maroñ in aikuj uno ñan kadiklak am kauwōtata jān nañinmej elap. Ñe kwar epaake juon armij ej nañinmej in COVID-19, kwoj aikuj in ekanak maaj im lōmnak in teej lalem raan elikin am epāāke. Epāāke ej melelein kwar pād jiljino ne jān juon armij iumin 15 minit ako laplok ilo juon raan, ippān ako ippāñ an ejelok maaj. Ekatak elaplok kake “COVID-19 Teej

Bōk melele ko relablok ilo peij eo an Multnomah County: “Teej ñan COVID-19

Ñe kwōnañinmij ak emōj am kebaak COVID, kwōmaron aikuj bed mweo imōm iomwin jidik ien. Kall ae lok 2-1-1 ñe kwōaikuj jibañ.  Lale ta ko kwōmaron kōmmani: Jibañ an Jukjukinbed

[Bar rool ñan iloñ]

Kejbarok an jab ajeeded COVID-19

Kij eo ej kōmman COVID-19 ebidodo an ajeeded jen armij ñan armij. Ñan am jab nañinmij ak kaajeeded kij in nañinmij eo:

Armij ro ewōr kadede aer nañinmij, einwōt wōrlok, tōñāl, ak nañinmij in menono ak ār, rebedilo joñan uwōta eo elablok ñan aer lukkun nañinmij kin COVID-19.  

Kein Kalbubu Iturin Māj ko

Jen Maaj 12, ejab an mennin aikuj an armij ekōnak kein kalbubu iturin māj ko ilo eloñ jikin ko ilobelej ilo Oregon. Emaron wōr an jkin jerbal im bijnej ko make mennin aikuj ko ikijen kein kalbubu iturin māj. Kein kalbubu iturin māj ko rej wōt mennin aikuj ilo jet jikin einwōt jikin taktō ko. 

Ilo ien eo elap an COVID ajeeded, Multonomah County Public Health ej rojāñ in ekanak maaj ilowaan em ñan ñe nañinmej eo enij diiklak. Ekanak maaj ilowaan em ako jikin ko eloñ armij ie ej karuinene āinwot juon wawen kadiklak kauwōtata an nañinmej eo am.

Bōk melele ko relablok ilo peij eo an Multnomah County:  FaceKein kalbubu iturin māj ko im COVID-19: ta eo kwōj aikuj jelā 

[Bar rool ñan iloñ]

Ñe kwōj eñjaake am nañinmij

Ñe kwōnaj jino eñjaake am nañinmij :

  • Bed mweo imōm im ejab iturin ro jet.

  • Bōk teej eo ñe kwōmaron. Kūrlok taktō eo am ak jikin taktō eo ñan am teej. Ñe ejab Bukōt juon teej an COVID-19.

  • Bed mweo imōm mae ien taktō ak jikin taktō eo am enaj ba ke kwōmaron bar bed iturin ro jet. Ñe kwojjab jella, pād wōt mweo ñan ñe eman am mour.

  • Kōmmani men ko ekkā ñan an emmonlok am mour: kiki, kakkije, lab am idaak aeboj.

Ñe teej eo am enaj kwalok ewōr am nañinmij:

  • Armij ro rej nañinmej in COVID-19 rej aikuj in pād wōt mweo iumin lalem raan, innem ekanak maaj iumin bar 5 raan ñe rej epāāke armij ro jot. Jikuul ko renij wonmanlok wōt in kajenolok rijikuul ro jān jikuul iumin 5 raan ñe renij teej positive ñan COVID-19.

Kall ae lok taktō eo am ilo ien eo emokajtata. Ekkar ñan joñan yiō eo am ak nañinmij eo am, emaron wōr wūno in kōmadmōd.  Jet wūno in kōmadmōd COVID-19 rej aikuj jino bōki iloan 5 raan jen ien an walok kakōlkōl.

Bukōtlok jikin idin taktō ien eo wōt kwe ak bar juon armij jabdewōt joñan an yiō enaj wōr jabdewōt idin kakōlkōl kauwōtata kein:

  • Abañ emenono

  • Jab bōjrak an metak ak aer ubōn

  • Ekāāl an jajelokjen

  • Ejab maron ruuj ak ruuj wōt

  • Kalor būlu ak kūrae tie ak iturin māj

  • Lab an metak lojen

  • Kūrlok 911 ak kall imaanlok ñan jikin idin taktō eo ilo jukjukinbed eo am.

  • Ba ñan operator eo ke kwe ak armij eo ej juon aikuj jibañ emaron wōr COVID-19 ibbam.


Lale ta ekeelel in kakkije in nañinmij ko am, ien am maron rool ñan jerbal, im elañe kwōj aikuj ba ñan jikin jerbal eo am kin teej eo ej kalikar ewōr am COVID-19. Lale “COVID-19 im jibañ am ba ñan jikin jerbal eo am -Ba ñan jikin jerbal eo kwōnañinmij kin COVID19” 

[Bar rool ñan iloñ]

Ebōk jibañ in kejbarok ñan kwe im baamle eo am

Ñe ejellok am taktō, kūrlok 211 ak Jikin Taktō ko Primary Care ilo Multnomah County 503-988-5558. Ewōr riukok ro. Ilo jikin taktō eo ilo Multnomah county

  • Kwōjab aikuj injuran in taktō

  • Ejab aikuj wōr am kolla

  • Kwōmaron bōk jibañ in taktō jekdoñ jekjekin beba ko rej kōmelim an rilikin bed aelon in.

  • Kim ejab lelok melele ko am ñan ro rej kabin kakien ak ritel ro rijerbal ro an immigration.

Kabin kin an Rilikin Bed Aelon in im Mweiuk ko rej Deloñ ewōr an kakien in jab kalbuj armij ilo jikin taktō ko, einwōt aujbitol ko, obij ko an taktō, jikin taktō ko, im jikin idin taktō ko.

Ñe kwōnaj bōk kōmadmōdin taktō ak jibañ ko ñan COVID-19, ebañ bōnōbōn ñan kwe ñan kōmman am jab maron kateruru ñan juon eo ekōnaan kōmman an beba in kwōn an maron wōt bed Amedka. Riiti melele ko relablok kin an rilikin mour jen kien eo an Amedka.

Jibañ ko

[Bar rool ñan iloñ]

Ewōr ke kajitōk?

Lale 211 info ñe ejab kūrlok 2-1-1 ikōtaan 8 awa jibbon im 11 awa jota. Ewōr riukok.