Fakamatala Fakamuimuitaha:

7/15/2021

Tokotaha kotoa pe ‘oku ta’u 12 pe lahi hake nofo Oregon ‘oku nau malava ma’u e huhumalu’i COVID-19. (ta’u 12-17 ‘oku nau malava ‘o ma’u e huhumalu’i Pfizer ‘ata’ata pe)  

Tatau aipe kapau kuo ke huhumalu’i, hokohoko atu pe ho’o tauhi ho’o mo’uilelei moe mo’uilelei ‘a ho’o famili moe maheni. Nofo i ‘api kapau ‘oku ke puke, fufulu ho nima, pea tokoni ki he family moe maheni ke nau ma’u e tokoni fakafaito’o moe tokoni faka’atamai.

‘Oku tokoni e huhumalu’i COVID-19 ke malu’i ho komiuniti mei he COVID.

Anga fefe ‘eku ma’u e huhumalu’i COVID-19?

‘Oku lahi e ‘u founga ke ma’u ai e huhumalu’i COVID-19:

  • ‘Oku fa’a fakahoko ‘ehe Kaunitii Multnomah ‘ae ‘u kiliniki huhumalu’i COVID-19 he Tusite - Tokonaki. Vakai’i e Kiliniki Fakauike ‘ae Multco pe ta ki he 503.988.8939 ki he ngaahi fakaikiiki.

Koe ngaahi me’a ke ke fakatokanga’i ‘i he taimi e ma’u ai ho huhumalu’i

  • ‘Oku ‘IKAI fiema’u ke ke sitiseni ‘Amelika. 

  • Ko ho ma’u e huhumalu’i ‘e ‘IKAI ke ne uesia ho’o tu’unga faka’imikuleisini pe lau ki ho mo’ua fakapule’anga. 

  • ‘Oku ‘ikai ke fiema’u ke ke ma’u pe fakahaa ha fika malu’i fakasiosiale. 

  • ‘Oku ‘ikai ke fiema’u ke ke fakaha ha’o ‘aitenifikeisini. 

  • ‘Oku ‘ikai ke fiema’u ke ke fakaha ha’o malu’i mo’ui.

  • Koe huhumalu’i ‘oku ta’etotongi.

Fiema’u ha me’alele ke’ave koe ki ho ‘apoinimeni? Ta ki he 211 pe 1-866-698-6155.

Huhumalu’i ki he fanau ta’u 12 pe lahi hake.

  • Koe ta’u 15-17 ‘oku ‘ikai ke fiema’u ke ‘i ai ha tokotaha lahi mo kinautolu, pea ‘oku ‘ikai fiema’u ha ngofua mei he matu’a i he vahefonua Oregon. Ko ‘emau fale’i ki he to’utupu ke nau fakakau e kakai lalahi ‘oku falala’anga ki he’enau fakakaukau ‘e fai ki he ‘enau me’a fakafaito’o. 

  • Koe ta’u 12-14 kuopau ke ‘i ai ‘enau matu’a, tokotaha tauhi pe ha taha ‘oku fakangofua ‘e he’enau matu’a.

  • Kapau ‘oku ‘i ai ha taha kehe ange mei he matu’a pe tokotaha tauhi ‘oe fanau ta’u 12-14, ‘e fiema’u ‘enau fakamo’oni ki he fakamafai mei he matua/tokotaha tauhi. Koe taha e matu’a pe tokotaha tauhi ‘e fiema’u ke ‘ataa he telefoni ke tali e ‘u fehu’i fakametikolo. Koe kamo’oni ‘oe fakamafai ke fakahoko pe koe:

    • Foomu fakangofua ‘osi fakamo’oni nima, pe

    • Koe nouti tohinima pe taipe’i ‘oku ‘asi ai e hingoa e matu’a/tokotaha tauhi, ho nau va fekau’aki ki he tokotaha ‘oku kei ta’usi’i, ta’u motu’a e tokotaha kei ta’u si’i, moe tohi fakahaa e loto e matu’a/tokotaha tauhi ki he tokotaha ta’u si’i ke ne ma’u e huhumalu’i, pea moe fakamo’oni nima e matu’a/tokotaha tauhi.

’E malava ke ke:

  • ’Alu ki he uepisaiti e Vahe Oregon  Founga hono kumi e huhumalu’i COVID-19 i Oregon he uepisaiti. 

  • Ta ki he 211 pe 1-866-698-6155 vaha’a e 6 a.m.-7 p.m. faka’aho, kau ai e ‘u ‘aho malolo.

  • Tohi fekau ORCOVID he mopaile ki he fika 898211 ma’u e fekau mopaile/SMS fakamuimui taha ki he feitu’u ke ma’u mei ai e huhumalu’i (Lea Faka-Pilitania moe Sipenisi pe)

  • ‘Imeili ORCOVID@211info.org (‘U lea fakafonua kotoa)

Ngaahi fakamatala lahi ange ki he COVID-19.

Me’a’ufi’ufi mata, Tauhi e Vaomama’o, moe Ngaahi fakataha’anga tokolahi

Kuo to’o e ngaahi fakangatangata lahi ‘oe COVID-19 ‘i he vahe Oregon. ‘Oku ‘ikai ke toe fiema’u e me’ufi’ufi mata moe tauhi e vamama’o ‘i he ngaahi pisinisi lahi. ’Oku malava o fakahoko ‘ae ngaahi fakataha’anga fakataautaha pe fakakulupu. 

Me’a’ufi’ufi mata moe tauhi ‘ae vamama’o ‘oku kei fiema’u ‘i he:

  • mala’evakapuna moe ‘u feitu’u talitali’anga kakai

  • Ngaahi feitu’u tauhi ai kaumaumaulao

  • ‘u feitu’u tauhi mo’uilelei

  • feitu’u nofo’anga kau tukuhausia moe fale talitali ‘anga

Multnomah County Public Health Advisory: Kapau kuo kakato ho huhumalu’i, ‘oku mau fokotu’u atu ke hokohoko atu ho’o tui ho me’a’ufi’ufi mata pea moe tauhi e vamama’o:

  • ‘I lotofale ‘i he taimi ‘oku ke feohi ai moe kakai ‘oku ‘ikai ke ke nofo fakataha mo ia ‘oku te’eki kakato ‘enau huhumalu’i pea

  • ’i lotofale ‘i he taimi ‘oku ke ‘i he feitu’u kakai’ia pe ‘i he taimi ‘oku ‘ikai keke ilo ai pe kuo huhumalu’i ha taha ‘oku ke feohi mo ia

Koe ‘uhinga e kakato e huhumalu’i kuo ‘osi e uike e 2 mei ho’o huhumalu’i fika 2 ‘oe Pfizer pe Moderna pe uike e 2 he ‘osi ho’o ma’u e huhumalu’i Johnson & Johnson.

Lau e fakaikiiki e: fakamatala ki he me’a’ui’ufi mata ki Oregon

Ta’ofi e mafola ‘oe COVID-19 

Koe vailasi ‘oku ne fakatupunga e COVID-19 ‘oku faingofua ‘e ne mafola mei he tokotaha ki he tokotaha. Ke tauhi ke ‘oua te ke puke:

  • Toutou fufulu ho nima ’o lahi hake he sekoni e 20

  • Tui ho me’a’ufi’ufi mata ho fefononga’aki

  • ‘Oua e ala ki ho mata

  • ‘Ufi’ufi ho tale moe mafatua

  • Fakamama’o ‘aki e fute 6 mei he kakai ‘oku ‘ikai ke ke nofo mo ia

  • Tauhi ke tokosi’i e fakataha’anga, nounou, pea fai ki tu’a ka lava

  • Fufulu pea fakama’a’aki e kemikale fufulu e ‘u feitu’u fa’a ngaue’aki

  • Fakasi’isi’i e fe’alu’aki mama’o pea nofo ofi ki ‘api

  • Huhumalu’i

Kakai moe ‘u mahaki tauhi, hange koe mahaki-hela, suka, pe mafu pe ma’ama’a, ‘oku ‘i hetu’unga fakatu’utamaki ke puke he COVID-19. Vakai e ngaahi fale’i ki he founga te ke malu ai kapau ke nofo mo ha kakai tokolahi.

Ka ke ka ongo’i puke

Ka ke ka kamata ke ongo’i puke — tautautefito ki ha mofi moe tale:

  • Nofo i ‘api pea mama’o mei he kakai kehe. 

  • Ta ki ho toketa pe kiliniki ke sio pe ‘oku fiema’u ke ke sivi.

  • Nofo i ‘api kae ‘oleva ke fakahaa atu ‘e ho’o toketaa pe kiliniki ‘oku malava ke feohi mo ha kakai kehe.

  • Fai e ‘u me’a ‘oku ke fa’a fakahoko ke ke sai ai: mohe, maloloo, inu e me’ahuhu’a ke lahi.

  • Oku ‘ikai ke ‘iai ha faito’o fakatefito ki he COVID-19. 

Kumi leva ha faito’o fakavavevave ka ‘asi e ‘u faka’ilonga puke fakatu’utamaki ni:

  • Faingata’a e manava

  • Mamahi pe ongo’i mamafa e fatafata

  • Fo’ou e ‘ikai lava o fakakaukaulelei

  • Faingata’a ke ‘aa pe ‘aa’aa ‘ikai mohe

  • Lanu puluu e la’ingutu moe mata

  • Langa ‘aupito e kete

  • Ta ki he 911 pe ta ki he feitu’u ma’u tokoni fakafaito’o-fakavavevave.

  • Fakahaa ki he tokotaha tali telefoni ko koe pe koe tokotaha fiema’u tokoni ke fakamahamahalo ‘oku ne ma’u e COVID-19.

Vakai’i e  Founga e 10 ke tokanga’i ai e ngaahi faka’ilonga puke fekau’aki moe halanga manava ke ke tokanga’i koe.

Sivi COVID-19

‘Oku tonu ke ke sivi kapau ‘oku ke ma’u e ngaahi faka’ilonga puke e COVID-19 pe kapau ‘oku ke feohi vaofi mo ha taha ‘oku ne ma’u e COVID-19. Koe feohi vaofi ‘oku ‘uhinga ‘i loto he fute e ono ‘i he miniti e 15 pe lahi hake ‘i he ‘aho, moe me’a’ufi’ufi mata pe ‘ikai.

Ma’u tokoni ma’a ho’o famili

Kapau ‘oku ‘ikai ke ‘iai ha’o toketa, ta ki he 211 pe Ngaahi Senita ‘oku ne Tokangaekina e Mo’uilelei e Multnomah County ‘ihe 503-988-5558. ‘Oku ‘ata e kau fakatonulea. ‘I he Kilinikii e Multnomah County

  • ‘Oku ‘ikai ke fiema’u ke ‘iai ha’o malu’i mo’uilelei.

  • ‘Oku ‘ikai ke fiema’u ke ‘iai ha’o ma’unga pa’anga .

  • ‘Oku malava ke ke ma’u e tokoni ki he mo’uilelei tatau aipe pe koe ha ho’o tu’unga faka’imikuleisoni.

  • ‘Oku ‘ikai ke mau vahevahe ho ngaahi fakamatala fakafo’ituitui moe kau ma’umafai ‘i he lao pe kau ‘ofisiale ‘imikuleisoni.

Koe ’Imikuleisini moe Ma’umafai Kasitomu (Immigration and Customs Enforcement) ’Oku ‘i ai ‘enau polisii ke ta’ofi hono puke e kakai mei he ‘u feitu’u tauhi ai e mo’uilelei, hange koe ‘u falemahaki, ‘u ‘ofisi e toketaa, ‘u kiliniki, pea moe ‘u feitu’u fiema’u fakavave pe fiema’uvivili.

Kapau te ke ma’u e faito’o fakametikolo pe ngaahi sevesi ki he COVID-19, ‘e ‘ikai ke kau kovi ka koe he taimi ke ‘apalai ai ki ho’o pepa nofo fonua ‘Amelika. Lau e fakaikiiki fekau’aki moe mo’ua fakapule’anga (Public Charge).

Ngaahi fakamatala tokoni

‘U fehu’i?

’Alu ki he 211 fakamatala pe taa ki he 2-1-1 vaha’a e 8 pongipongi ki he 11 efiafi. ‘Ataa e fakatonulea.