တၢ်မၤကွၢ် COVID-19 | Testing - Karen Language

body { font-family: 'Padauk', sans-serif; }

5/24/2022

နမ့ၢ်အိၣ်ဒီး COVID-19 တၢ်ဆါပနီၣ်တဖၣ် မ့တမ့ၢ် အိၣ်ဘၣ်ဘူးဘူးတံၢ်တံၢ်ဒီး ပှၤတဂၤဂၤလၢ ဘၣ်ကူဘၣ်ဂာ်ဒီး COVID-19 န့ၣ် နကြၢးဒိးမၤကွၢ်သးန့ၣ်လီၤ. တၢ်အိၣ်ဘူးအိၣ်တံၢ် အခီပညီမ့ၢ်၀ဲ, တၢ်အိၣ်ဘူးတံၢ်လိာ်သး ဒီးပှၤတဂၤဂၤ လၢ 6 ခီၣ်ယီၢ် လၢ 15 မံးနံးကတီၢ်ပူၤ မ့တမ့ၢ် အါန့ၢ်အန့ၣ် လၢမုၢ်တနံၤအပူၤ, သိးဃာ်နါဒ့ခံဖျီၣ်မ့ၢ်ဂ့ၤ တသိးဃာ်နါဒ့ခံဖျီၣ်မ့ၢ်ဂ့ၤ န့ၣ်လီၤ.

မ့ၢ်လၢနအိၣ်ဘူးတံၢ်လိာ်သးဒီးပှၤတဂၤဂၤ လၢဘၣ်ကူဘၣ်ဂာ်ဒီး COVID-19 အဃိ နမ့ၢ်ကလဲၤမၤကွၢ်သး , နမ့ၢ်အိၣ်ခိးတၢ် အစှၤကတၢၢ် 5 သီ ဖဲနအိၣ်ဘူးတံၢ်လိာ်သး၀ံၤလီၢ်ခံ တချုးမၤကွၢ်သးအခါန့ၣ် တၢ်အံၤမ့ၢ်တၢ်အဂ့ၤကတၢၢ်န့ၣ်လီၤ. နမ့ၢ်ဒိးမၤကွၢ်သးဆိတလၢန့ၣ် ဘၣ်သ့ၣ်သ့ၣ်တၢ်မၤကွၢ်တကဲထီၣ်လိၣ်ထီၣ်ဘၣ်.  နမ့ၢ်အိၣ်ဒီး တၢ်ဆါပနီၣ်တဖၣ်န့ၣ်, အိၣ်လၢဟံၣ် ဒီး အိၣ်ယံၤဒီးပှၤဂၤ ဖဲနအိၣ်ခိးတၢ်အဖၢမုၢ်တက့ၢ်.

နမ့ၢ်ဒိးမၤကွၢ်ဘၣ်သးခီဖျိလၢနအိၣ်ဘူးတံၢ်လိာ်သးဒီးပှၤတဂၤဂၤလၢဘၣ်ဂာ်ဒီး COVID-19 န့ၣ် မ့ၢ်တၢ်အဂ့ၤကတၢၢ်လၢနကအိၣ်ခိးတၢ် 5 သီဖဲနအိၣ်ဘူးတံၢ်လိာ်သးတချုးဒိးမၤကွၢ်သး၀ံၤလီၢ်ခံန့ၣ်လီၤႋ နမ့ၢ်ဒိးမၤကွၢ်သးဆိတလၢန့ၣ် ဘၣ်သ့ၣ်သ့ၣ်တၢ်မၤကွၢ်တကဲထီၣ်လိၣ်ထီၣ်န့ၣ်လီၤႋ

နကြၢးအိၣ်လၢဟံၣ်ဒီးအိၣ်ယံၤကွံာ်ဒီးပှၤဂၤဖဲနအိၣ်ခိးတၢ်အဖၢမုၢ်န့ၣ်လီၤႋ

နလဲၤဒိးမၤကွၢ်သးလၢနကသံၣ်သရၣ်၀ဲၤလီၢ် မ့တမ့ၢ် တၢ်ဆါဟံၣ်သ့န့ၣ်လီၤႋ နကသံၣ်သရၣ်မ့ၢ်တအိၣ်န့ၣ်, နဒိးမၤကွၢ်သးလၢပှၤတ၀ၢတၢ်မၤကွၢ်တၢ်ဆါအလီၢ်သ့န့ၣ်လီၤႋ

ပှၤတ၀ၢတၢ်မၤကွၢ်တၢ်ဆါအလီၢ်တဖၣ်

မၤန့ၢ်တၢ်မၤကွၢ်တၢ်ဆါတလၢာ်ဒီးအဘူးအလဲ သ့ခီဖျိတၢ်သ့ၣ်ဆၢကတီၢ်န့ၢ်ဘၣ်ပှၤတဂၤလၢ်လၢ်လၢအိၣ်ဒီးတၢ်ဆါက့ၢ်ပနီၣ်တဖၣ် မ့တမ့ၢ် ပှၤတဂၤဂၤလၢအပူၤကွံာ်အိၣ်ဘူးတံၢ်လိာ်သးဒီးပှၤလၢဘၣ်ကူဘၣ်ဂာ် COVID-19 န့ၣ်လီၤႋ

ကိး 503-988-8939 လၢတၢ်သ့ၣ်ဆၢဖးကတီၢ်အဂီၢ် မ့တမ့ၢ် တၢ်ဂ့ၢ်တၢ်ကျိၤအဂုၤဂၤအဂီၢ်တက့ၢ်. အိၣ်ဒီးပှၤကတိၤကျိးထံတၢ်န့ၣ်လီၤႋ

• တၢ်မၤကွၢ်အလီၢ်တဖၣ် လၢပှၤကညီနီၣ်ဂံၢ်အါအဂီၢ် ဖဲ (OHA) အပူၤ 
• ကဃုထံၣ်န့ၢ် တၢ်မၤကွၢ်အလီၢ် (OHA) ဒ်လဲၣ် 

OHSU တၢ်မၤကွၢ်အလီၢ်တဖၣ်

ကိးလီတဲစိ 833-647-8222 မ့တမ့ၢ် ကွၢ်ဖဲ OHSU ပှာ်ယဲၤသန့ လၢတၢ်လီၢ်တၢ်ကျဲဒီးတၢ်ဂ့ၢ်တၢ်ကျိၤဆူညါအဂီၢ်တက့ၢ်ႋ 

တၢ်မၤကွၢ်လၢဟံၣ်တဖၣ်

နမၤလိာ် တၢ်မၤကွၢ်လၢဟံၣ် အကလီ လၢ USPS အအိၣ်သ့ဝဲန့ၣ်လီၤ. အဝဲသ့ၣ်ကဆှၢန့ၢ်နၤ တၢ်မၤကွၢ် 4 ခါ လၢဟံၣ်တဖျၢၣ်အဂီၢ်လီၤ. နမ့ၢ်လိၣ်ဘၣ်တၢ်မၤစၢၤ လၢတၢ်ကမၤလိာ် တၢ်မၤကွၢ်တဖၣ်အဂီၢ်န့ၣ်, နကိး ခီထံၣ်အ COVID-19 တၢ်ကိးလီတဲစိလီၢ်ခၢၣ်သးဖဲ 503-988-8939 သ့ဝဲန့ၣ်လီၤ.

နီၢ်ကစၢ်ဒၣ်ဝဲတၢ်မၤကွၢ်လၢဟံၣ်တဖၣ်န့ၣ် တၢ်ပှ့ၤန့ၢ်အီၤ လၢအ့ထၢၣ်နဲး မ့တမ့ၢ် ဖဲလီၢ်ကဝီၤ ကသံၣ်ကျး, တၢ်ဆါကသံၣ်အလီၢ်, မ့တမ့ၢ် ပနံာ်ရိကျးတဖၣ် သ့ဝဲန့ၣ်လီၤ.

မ့ၢ်ကစူးကါ နီၢ်ကစၢ်ဒၣ်ဝဲတၢ်မၤကွၢ်ဒ်လဲၣ်

လၢတၢ်အစၢအဘၣ်ကတၢၢ်တဖၣ်အဂီၢ်, နကြၢးမၤကွၢ် အီၤဖဲ နအိၣ်ဖျါဘၣ်ဒွံးဘၣ်ဒွါဘၣ်သးဒီး COVID ဝံၤ 5 သီ အလီၢ်ခံ မ့တမ့ၢ် ဖဲနအိၣ်တမုာ် မ့တမ့ၢ် တၢ်ဆါပနီၣ်တဖၣ်ဟဲအိၣ်ဖျါထီၣ်လၢနၤ စှၤကိးသီဝံၤအလီၢ်ခံ အခါန့ၣ်လီၤ. တချုးတၢ်စူးကါတၢ်မၤကွၢ်အံၤအခါ, ဖးဘၣ် ပနံာ်ထုးထီၣ်တၢ်အံၤ အတၢ်နဲၣ်ကျဲလၢလၢပှဲၤပှဲၤတဖၣ် တက့ၢ်. နမ့ၢ်အိၣ်ဒီးတၢ်သံကွၢ်ဘၣ်ဃး နတၢ်မၤကွၢ် မ့တမ့ၢ် နတၢ်မၤကွၢ်အစၢတဖၣ်အဂ့ၢ်န့ၣ် ကတိၤသကိးတၢ်ဒီး ပှၤဟ့ၣ်ဆူၣ်ချ့တၢ်ကွၢ်ထွဲတက့ၢ်.

• တၢ်နဲၣ်ညီညီတဖၣ် လၢ iHealth နီၢ်ကစၢ်တၢ်မၤကွၢ်လၢဟံၣ် တၢ်မၤကွၢ်အပီးအလီအဂီၢ် .   တၢ်နဲၣ်ကျဲ တဖၣ်အံၤန့ၣ် မ့ၢ်ဝဲလၢ iHealth နီၢ်ကစၢ်တၢ်မၤကွၢ်တဖၣ်အဂီၢ် န့ၣ်လီၤ.  ဝံသးစူၤပိာ်ထွဲ တၢ်နဲၣ်ကျဲတဖၣ် လၢဟဲဃုာ်ဒီး နတၢ်မၤကွၢ်အပီးအလီန့ၣ်တက့ၢ်.  တၢ်သံကွၢ်တဖၣ်မ့ၢ်အိၣ်ဒီးနၤန့ၣ် ဝံသးစူၤဃ့တၢ်ဟ့ၣ်ကူၣ် လၢကသံၣ်ကသီပှၤသ့ပှၤဘၣ်တဂၤအအိၣ်တက့ၢ်.
• နတၢ်မၤကွၢ်အစၢမ့ၢ်ဖျါလၢ အိၣ်ဒီးတၢ်ဆါဃၢ် မ့တမ့ၢ် တအိၣ်ဒီးတၢ်ဆါဃၢ်န့ၣ် နကဘၣ်မၤတၢ်မနုၤလဲၣ်.

တၢ်ဂ့ၢ်တၢ်ကျိၤဆူညါတဖၣ်-

• CDC "နီၢ်ကစၢ်တၢ်မၤကွၢ် လၢဟံၣ် မ့တမ့ၢ် လၢတၢ်လီၢ်တပူၤလၢ်လၢ်"
• OHA “COVID-19 တၢ်မၤကွၢ်လၢဟံၣ်”

တၢ်မၤကွၢ်တၢ်ဆါ, ပှၤနုာ်လီၤအိၣ်ကီၢ်ပတီၢ်ဒီးပဒိၣ်တၢ်ဘူးတၢ်လဲ

• အလီၢ်တအိၣ်လၢနဘၣ်မ့ၢ် Multnomah ကီၢ်ရ့ၣ်ပှၤဆါ မ့တမ့ၢ် အိၣ်ဒီးဆူၣ်ချ့တၢ်အုၣ်ကီၤဒ်သိးကဒိးန့ၢ်မၤကွၢ်ဘၣ်သးဖဲပပှၤတ၀ၢတၢ်မၤကွၢ်တၢ်ဆါအလီၢ်တဖၣ်ဘၣ်န့ၣ်လီၤႋ 
• နဒိးန့ၢ်တၢ်မၤကွၢ်တၢ်ဆါသ့လၢတဘၣ်ထွဲဒီးနတၢ်နုာ်လီၤအိၣ်ကီၢ်အပတီၢ်ဘၣ်န့ၣ်လီၤႋ
• ပတပာ်ဖျါနတၢ်ဂ့ၢ်တၢ်ကျိၤဆူပၢၤကီၢ် မ့တမ့ၢ် တၢ်နုာ်လီၤအိၣ်ကီၢ်ပှၤဘၣ်မူဘၣ်ဒါတဖၣ်အအိၣ်ဘၣ်န့ၣ်လီၤႋ

တၢ်နုာ်လီၤအိၣ်ကီၢ်ဒီးလုၢ်လၢ်သဲစးတၢ်တြီအိၣ်ဒီးအကျဲသနူလၢကကဟးဆှဲးတၢ်ဖီၣ်ဃံးကွံာ်တၢ်ဖဲ တၢ်ကွၢ်ထွဲဆူၣ်ချ့၀ဲၤလီၢ် ဒ်အမ့ၢ် တၢ်ဆါဟံၣ်တဖၣ် ကသံၣ်သရၣ်အ၀ဲၤလီၢ် ဆူၣ်ချ့တၢ်ဆါဟံၣ် ဒီးဂ့ၢ်ဂီၢ်အူတၢ်ကွၢ်ထွဲ၀ဲၤလီၢ်တဖၣ်န့ၣ်လီၤႋ

နမ့ၢ်ဒိးန့ၢ်ကသံၣ်ကသီတၢ်ကူစါယါဘျါ မ့တမ့ၢ် တၢ်မၤစၢၤလၢ COVID-19 အဂီၢ်န့ၣ် တၢ်တဂ့ၢ်လိာ်နၤလၢနတၢ်ပတံထီၣ်ထံဖိကီၢ်ဖိအိၣ်စံာ်အိၣ်ကျၢၤလၢကီၢ်အမဲရကၤဘၣ်န့ၣ်လီၤႋ ဖးအါထီၣ်တၢ်ဂ့ၢ်တၢ်ကျိၤဘၣ်ဃးပဒိၣ်တၢ်ဘူးတၢ်လဲ တက့ၢ်ႋ

ဖဲနဒိးမၤကွၢ်သး၀ံၤလီၢ်ခံ

တၢ်မၤကွၢ်အစၢမ့ၢ်ဖျါလၢနအိၣ်ဒီး COVID-19-

တၢ်အပတီၢ် 1: အိၣ်လၢဟံၣ် ဒီးအိၣ်ယံၤဒီးပှၤဂၤ, ဃုာ်ဒီးပှၤလၢအိၣ်ဆိးတပူၤဃီဒီးနၤတဖၣ်ဒၣ်လဲာ်တက့ၢ်ႋ 

• နအိၣ်ဒီးတၢ်ဆါပနီၣ်တဖၣ်မ့ၢ်ဂ့ၤ, တအိၣ်မ့ၢ်ဂ့ၤန့ၣ်, အိၣ်လၢဟံၣ် ဒီးအိၣ်ယံၤဒီးပှၤအဂၤ (အိၣ်လီၤဖျီၣ်သး) အစှၤကတၢၢ် 5 သီတက့ၢ်.
• ဖဲ 5 သီဝံၤအလီၢ်ခံန့ၣ်, နမ့ၢ်တအိၣ်ဒီးတၢ်လိၤကိၢ် လၢအစှၤကတၢၢ် 24 နၣ်ရံၣ်အတီၢ်ပူၤ လၢတအိၣ်ဒီးတၢ်စူးကါကသံၣ်လိၤကိၢ် ဒီးတအိၣ်ဒီးတၢ်ဆါပနီၣ်တဖၣ် မ့တမ့ၢ် အိၣ်ထဲ တၢ်ဆါပနီၣ်တဆံးတက့ၢ်လၢအကိညၢ်ထီၣ်တဖၣ်န့ၣ်, နဟးထီၣ်လၢဟံၣ်ချၢသ့ဝဲန့ၣ်လီၤ.
•  သိးဒံးနါဒ့ခံဖျီၣ်လၢတၢ်ပလီၢ်သူၣ်ပလီၢ်သးအပူၤ လၢပှၤအဂုၤဂၤတဖၣ်အကျါ, လၢဟံၣ် ဒီးလၢတၢ်မၤ ဆူညါ 5 သီတက့ၢ်.
   

တၢ်အပတီၢ် 2: တဲဘၣ်ပှၤလၢအိၣ်ဘၣ်ဘူးဘူးတံၢ်တံၢ်ဒီးနၤတဖၣ် လၢနဒိးမၤကွၢ်သးဖျါလၢဘၣ်ကူဘၣ်ဂာ်ဒီးတၢ်ဆါ တဘျီဃီတက့ၢ်.  လၢကမၤစၢၤလီၤ COVID-19 အတၢ်ရၤလီၤသးအဂီၢ် တၢ်မၤအပတီၢ်တဖၣ် ဒ်အမ့ၢ် တၢ်သိးနါဒ့ခံဖျီၣ် ဖဲအိၣ်လၢပှၤဂၤအကျါ ဒီးတၢ်မၤကွၢ်သးန့ၣ် အဝဲသ့ၣ်စးထီၣ်မၤဝဲသ့န့ၣ်လီၤ.   “တၢ်အိၣ်ဘူးအိၣ်တံၢ်”  အခီပညီမ့ၢ်၀ဲ, သိးဃာ်နါဒ့ခံဖျီၣ်မ့ၢ်ဂ့ၤ တသိးဃာ်နါဒ့ခံဖျီၣ်မ့ၢ်ဂ့ၤ, တၢ်အိၣ်ဘူးတံၢ်လိာ်သးဒီးပှၤတဂၤဂၤ 15 မံးနံး လၢမုၢ်တနံၤအပူၤန့ၣ်လီၤ.

• နမ့ၢ်အိၣ်ဒီးတၢ်ဆါပနီၣ်တဖၣ်- ဆဲးကျၢ ပှၤလၢအိၣ်ဘၣ်တ့ၢ်လံဒီးနၤဘူးဘူးတံၢ်တံၢ်တဖၣ် စးထီၣ်ဖဲ 2 သီ တချုးနတၢ်ဆါပနီၣ်တဖၣ်ဖျါထီၣ်သးအခါတက့ၢ်ႋ
• နမ့ၢ်အိၣ်ဒီးတၢ်ဆါပနီၣ်တဖၣ်န့ၣ်- ဆဲးကျၢ ပှၤလၢအိၣ်ဘၣ်တ့ၢ်လံဒီးနၤဘူးဘူးတံၢ်တံၢ်တဖၣ် စးထီၣ်ဖဲ 2 သီတချုးနမၤကွၢ်သးလၢ COVID-19 အဂီၢ်တက့ၢ်ႋ 

လၢတၢ်သံကွၢ်ဘၣ်ဃးတၢ်ဂ့ၢ်တမံၤလၢ်လၢ်အံၤအဂီၢ်, ဆဲးကျိး နကသံၣ်သရၣ် မ့တမ့ၢ် ကိး 211 မ့တမ့ၢ် ကွၢ်ထံကွၢ်ဆးဖဲ ခီးထံၣ်ပှာ်ယဲာ်သန့အပူၤတက့ၢ်.

တၢ်မၤကွၢ်အစၢမ့ၢ်ဖျါလၢနတအိၣ်ဒီး COVID-19-

နမ့ၢ်ဆိးက့ ဒီးနတၢ်မၤကွၢ်အစၢမ့ၢ်ဖျါလၢ တအိၣ်ဒီးတၢ်ဆါဃၢ် ဒၣ်လဲာ်, နကြၢးအိၣ်လၢဟံၣ် ဒီးအိၣ်ယံာ်လိာ်သးဒီးပှၤအဂၤတဖၣ် ပၢၢ်တုၤလၢနတၢ်ဆါပနီၣ်တဖၣ် ကိညၢ်ထီၣ်ဝဲတစုန့ၣ်လီၤ.

နမ့မ့ၢ်ပှၤအိၣ်ဘူးဘၣ်ဒီး ပှၤတဂၤဂၤလၢ အအိၣ်ဒီး COVID-19 န့ၣ်, နအိၣ်ဖျါဘၣ်ဒွံးဘၣ်ဒွါဘၣ် တ့ၢ်လံနသးဆူတၢ်ဆါဃၢ်အံၤ ဒီးဒုးဆိးက့ပှၤအဂၤတဖၣ်သ့ဒံးဝဲန့ၣ်လီၤ. မ့တမ့ၢ်ဘၣ်လၢနအိၣ် မ့တမ့ၢ် ဖံးတၢ်မၤတၢ်ဖဲ တၢ်လီၢ်တၢ်ကျဲလၢ အအိၣ်ဒီးတၢ်ဘၣ်ယိၣ်အါ, ဒ်အမ့ၢ် ဆူၣ်ချ့တၢ်ကွၢ်ထွဲလီၢ် မ့တမ့ၢ် ကရူၢ်တၢ်အိၣ်ဆိးအလီၢ်အကျဲ တမံၤတမၠိန့ၣ်, တလိၣ်နအိၣ်လီၤဆီသးဘၣ်.

• သမံသမိးကွၢ်နနီၢ်ကစၢ် လၢတၢ်ဆါပနီၣ်တဖၣ်အဂီၢ် လၢအသီ 10 အတီၢ်ပူၤ စးထီၣ်လၢ နလဲၤအိၣ်ဖျါဘၣ်ဒွံးဘၣ်ဒွါဘၣ်သး အလီၢ်ခံကတၢၢ်တသီတက့ၢ်. ဆိကမိၣ်ထီၣ် တၢ်လီၢ်တၢ်ကျဲ လၢနကလဲၤအီၤ ဒီးပှၤလၢနကအိၣ်ဘူးဒီးအီၤတက့ၢ်. ခီဖျိ ပာ်ပနီၣ်ဃာ် နတၢ်အိၣ်ဘူးအိၣ်တံၢ် မ့တမ့ၢ် သိးနါဒ့ခံဖျီၣ် လၢအဝဲသ့ၣ်အကျါ 10 သီ, နဒီသဒၢ ပှၤလၢအအိၣ်ဒီး တၢ်ဘၣ်ယိၣ်ဒိၣ် လၢ COVID-19 တၢ်ဆါနးနးသ့ၣ်တဖၣ် သ့ဒံးဝဲဆူညါန့ၣ်လီၤ. 
• နမ့ၢ်မၤကွၢ်သးလၢဟံၣ်န့ၣ်, နဃုဒိးန့ၢ် COVID-19 တၢ်မၤကွၢ် လၢနပှၤဟ့ၣ်ဆူၣ်ချ့တၢ်ကွၢ်ထွဲညီနုၢ်အအိၣ် မ့တမ့ၢ် မၤကဒီးတၢ်မၤကွၢ်လၢဟံၣ် ဖဲ 1-2 သီဝံအလီၢ်ခံ သ့ဝဲန့ၣ်လီၤ. 

တၢ်နဲၣ်ကျဲသ့ၣ်တဖၣ်အံၤ ဘၣ်ထွဲဒီး ထီရီၤပှၤကမျၢၢ်အံၤန့ၣ်လီၤ. ပှၤလၢအအိၣ်ဆိး မ့တမ့ၢ် ဖံးတၢ်မၤတၢ်ဖဲ လီၢ်အိၣ်ကဒုတဖၣ်, တၢ်ဘှီဘၣ်က့ၤသကဲာ်ပဝးအလီၢ်အကျဲတဖၣ် မ့တမ့ၢ် တၢ်အံးထွဲကွၢ်ထွဲအလီၢ်အကျဲတမံၤတမၠိ ဖဲပှၤအါဂၤအိၣ်တပူၤဃီ. တၢ်အိၣ်လီၤဖျီၣ်သး ဒီးတၢ်အိၣ်လီၤဆီသးအတၢ်နဲၣ်ကျဲတဖၣ် လၢတၢ်လီၢ်တၢ်ကျဲတဖၣ်အံၤအပူၤန့ၣ် မ့ၢ်ဒံးဝဲ 10 - 14 သီန့ၣ်လီၤ.

ဒီသဒၢလီၤနနီၢ်ကစၢ်သး ဒီးပှၤအဂၤတဖၣ်ဆူညါတက့ၢ်- ဖဲနဆိးက့အခါ အိၣ်လၢဟံၣ်, အိၣ်စီၤစုၤလိာ်သး 6 ခီၣ်ယီၢ်, ဒီးသ့နစုတလီၢ်လီၢ်တက့ၢ်.