body { font-family: 'Padauk', sans-serif; }

4/20/2022​​​​Person at work on a car wheel wearing a mask

တၢ်မၤကွၢ်အစၢၤမ့ၢ်ဖျါလၢ နအိၣ်ဒီး COVID-19 မ့တမ့ၢ် အိၣ်ဒီးတၢ်ဆါပနီၣ်တဖၣ်န့ၣ်, အိၣ်လၢဟံၣ်တက့ၢ်. တဲဘၣ်နတၢ်မၤလီၢ်လၢနအိၣ်တဆူၣ်ဘၣ်တက့ၢ်. နမ့ၢ်ဆိးက့န့ၣ်, ဟံးန့ၢ်တၢ်ဆိးက့ခွဲး တက့ၢ်. မၤပိာ်ထွဲတၢ်နဲၣ်လီၤကျိၤကျဲတဖၣ်လၢ တၢ်အိၣ်စီၤစုၤနသးဒီးပှၤအဂၤတက့ၢ်.

နလဲၤကဒါဆူတၢ်မၤသ့ဖဲ - 

  • နတၢ်ဆါပနီၣ်ကဲထီၣ်သး အစှၤကတၢၢ်အိၣ်လံ 5 သီ မ့တမ့ၢ် နတၢ်မၤကွၢ်အစၢဖျါလၢ အိၣ်ဒီး COVID ပှဲၤထီၣ် 5 သီ ဖဲနမ့ၢ်တအိၣ်ဒီး တၢ်ဆါပနီၣ်နီတဘျီအခါ.
  • န  COVID-19 တၢ်ဆါပနီၣ်တဖၣ်တနးဘၣ်, ဂ့ၤထီၣ်, ဒီးနတူၢ်ဘၣ်မုာ်မုာ်လၢနကက့ၤဖီၣ်ကဒါတၢ်မၤ, ဒီး
  • နလိၤတကိၢ် လၢ 24 နၣ်ရံၣ်အပူၤ လၢတအိၣ်ဒီးတၢ်စူးကါ ကသံၣ်မၤစှၤလီၤတၢ်ကိၢ်တဖၣ်, ဒီး
  • နသိးတၢ်ဖျီၣ်နါဒ့ဂ့ၤဂ့ၤကိးဆၢကတီၢ်ဒဲးသ့၀ဲ ဖဲနအိၣ်လၢပှၤဂၤအကျါလၢဆူညါ 5 သီအတီၢ်ပူၤ
     

နတၢ်မၤကစၢ် မ့ၢ်လိၣ်ဘၣ် ကသံၣ်သရၣ်အတၢ်ကွဲးနီၣ်ကွဲးဃါ လၢကအိၣ်လၢဟံၣ်အဂီၢ်န့ၣ် နဆဲးကျၢနကသံၣ်သရၣ် တၢ်ဆါဟံၣ် မ့တမ့ၢ် တၢ်လီၢ်လၢနဒိးမၤကွၢ်သးသ့န့ၣ်လီၤႋ
တၢ်မၤကစၢ်တဖၣ် တကြၢးမၤလိာ် ပှၤမၤတၢ်ဖိတဖၣ် ဒ်သိးကအိၣ်ဒီး တၢ်မၤကွၢ်အစၢလၢတအိၣ်ဒီးတၢ်ဆါဃၢ် တချုးတၢ်ပျဲအဝဲသ့ၣ်လၢ ကက့ၤနုာ်လီၤတၢ်မၤအခါဘၣ်.
 

လံာ်ပရၢလၢလာ်အံၤ မ့ၢ်ဝဲလၢ တၢ်မၤကစၢ်တဖၣ် ဒီးပှၤမၤတၢ်ဖိတဖၣ်ဂီၢ်ဘၣ်ဃး တၢ်တဲနၢ်ပၢၢ်တၢ်နဲၣ်ကျဲလၢ COVID-19 အဂ့ၢ်တဖၣ် ဒီးတၢ်အိၣ်သးတဖၣ် လၢဟဲက့ၤကဒါက့ၤဆူတၢ်မၤလီၢ်အဂီၢ်လီၤ -
လံာ်ပရၢဆူသ့ၣ်ခိၣ်တဖၣ်အိၣ် လါယနူၤအါရံၤ 21 သီ, 2022 

ကြၢးလၢယတဲဘၣ်ယတၢ်မၤကစၢ်ဧါႋ

ပ ဟ့ၣ်ကူၣ်ဟ့ၣ်ဖး ပှၤတဂၤလၢ်လၢ်လၢမၤကွၢ်သးဖျါလၢ ဘၣ်ကူဘၣ်ဂာ်ဒီးတၢ်ဆါဃၢ် ဒီးအိၣ်ဘူးတံၢ်ဘၣ်ဒီးပှၤဂၤ လၢအတၢ်ဖံးတၢ်မၤလီၢ်တဖၣ် ကတဲဘၣ်အတၢ်မၤကစၢ် မ့တမ့ၢ် တၢ်မၤခိၣ်န့ၣ်လီၤ. 

မ့ၢ်ယတၢ်မၤကစၢ်ကတဲဘၣ်ယပှၤမၤသကိးတၢ်ဖိတဖၣ်လၢယဘၣ်ကူဘၣ်ဂာ်ဒီးတၢ်ဆါဧါႋ

အလီၢ်အိၣ်လၢတၢ်မၤကစၢ်တဖၣ်ကတဲဘၣ်ပှၤမၤတၢ်ဖိတဖၣ် လၢမ့ၢ်အ၀ဲသ့ၣ် အိၣ်ဘူးတံၢ်ဘၣ်ဒီး COVID-19 လၢတၢ်ဖံးတၢ်မၤလီၢ်န့ၣ်လီၤႋ အ၀ဲသ့ၣ်တဘၣ်ပာ်ဖျါထီၣ်နမံၤ မ့တမ့ၢ် နနီၢ်ကစၢ်တၢ်ဂ့ၢ်တၢ်ကျိၤဒ် အမဲရကၤပှၤနီၢ်ခိက့ၢ်ဂီၤတလၢပှဲၤသဲစးတၢ်သိၣ်တၢ်သီ(ADA) အိၣ်၀ဲအသိးန့ၣ်လီၤႋ

မ့ၢ်ယတၢ်မၤကစၢ်ကသံကွၢ်ယၤဘၣ်ဃး COVID-19 တၢ်ဆါပနီၣ်တဖၣ်အဂ့ၢ်

ဖဲတၢ်ဆါသတြိာ်ကတီၢ်အံၤ တၢ်မၤကစၢ်တဖၣ် ကသံကွၢ်ဘၣ်ပှၤမၤတၢ်ဖိတဖၣ်လၢမ့ၢ်အ၀ဲသ့ၣ်တူၢ်ဘၣ်တၢ်ဆါကပနီၣ်တဖၣ်တမံၤမံၤဧါန့ၣ်လီၤႋ အ၀ဲသ့ၣ်ကဘၣ်ဟံးဃာ်ဂၢၢ်ကျၢၤတၢ်ဂ့ၢ်တၢ်ကျိၤခဲလၢာ်လၢဘၣ်ထွဲဒီးပှၤမၤတၢ်ဖိအတၢ်ဆိးက့ဆါက့လၢ ဆူၣ်ချ့တၢ်ဘံၣ်တၢ်ဘၢတၢ်မၤနီၣ်မၤဃါ ဒ်တၢ်ဘၣ်ထွဲလၢ ADA အသိးန့ၣ်လီၤႋ

တၢ်ဖံးတၢ်မၤလီၢ်အတၢ်အိၣ်ပူၤဖျဲး

ဆဲးကျၢ Oregon OSHA လၢပာ်ဖျါထီၣ်တၢ်ဘၣ်ဒိဘၣ်ထံးအတၢ်လီၤဘၣ်ယိၣ်လၢနတၢ်ဖံးတၢ်မၤလီၢ်တက့ၢ်ႋ ကိးလီတဲစိဆူ 503-229-5910 မ့တမ့ၢ် ကွၢ်ဖဲ osha.oregon.gov/workers တက့ၢ်ႋ

နမ့ၢ်ဆိကမိၣ်လၢတၢ်ဟံးစုကွၢ်မဲာ်ဘၣ်နၤလၢတၢ်တထဲသိးတုၤသိးအပူၤဖဲနတဲဘၣ်နတၢ်မၤကစၢ်လၢနမၤကွၢ်သးဘၣ်ဂာ်ဒီး COVID-19 န့ၣ် ဆဲးကျၢ Oregon Bureau of Labor and Industries (BOLI) တက့ၢ်ႋ ကိးလီတဲစိ 971-673-0761 မ့တမ့ၢ် ဆှၢလီပရၢဆူ help@boli.state.or.us တက့ၢ်ႋ

ဆိက့ခွဲး

  • တၢ်ဆိက့ဒိးန့ၢ်လါလဲ - Oregon သဲစးတၢ်သိၣ်တၢ်သီ ဟ့ၣ်ပှၤမၤတၢ်ဖိခဲလၢာ် တၢ်ဆိက့အခွဲး ပၣ်ဃုာ်ဒီး ကတီၢ်ခီဖး (part-time) ပှၤမၤတၢ်ဖိတဖၣ်လီၤႋ နတၢ်မၤကစၢ်အံၤ အပှၤမၤတၢ်ဖိမ့ၢ်အိၣ် 10 ဂၤဆူဖီခိၣ် (6 ဂၤ မ့တမ့ၢ် ဆူဖီခိၣ် လၢ Portland) န့ၣ် နဒိးန့ၢ်တၢ်အံၤသ့န့ၣ်လီၤႋ
  • ဖဲ COVID-19 တၢ်ဆါသတြိာ်အဆၢကတီၢ် တၢ်ဒီသဒၢလၢအလိၣ်နီၢ်နီၢ်တဖၣ် တၢ်ဂ့ၢ်တၢ်ကျိၤ လၢကီၢ်အမဲရကၤ ပှၤမၤတၢ်ဖိဝဲၤကျိၤ
  • နမ့ၢ်လိၣ်ဘၣ်တၢ်မၤစၢၤ ဒ်သိးကအိၣ်လၢဟံၣ် ဖဲတၢ်အိၣ်လီၤဖျီၣ်သးဒီးတၢ်အိၣ်လီၤဆီသးအဆၢကတီၢ်အခါန့ၣ်, ကိး 211 တက့ၢ်.