Subed el tilobed er a 4/26/2022

Alsekum e ke mlo test el positive era rakd el COVID-19, malchub e ke mla chemolt a olengchelel tial rakd, e moutekangel el di kiei era blim. Mdu era merredelel a urerem el kmo kau a smecher. Mnguu a sick leave al ngarngii a sick leave er kau. Moltirakl a melemalt el teletelel a obom isolate er kau.  

Ngdi ungil a om luut el mo ureor sel sekum:

  • Ngmla mo eim 5 el kebesengil er sera bom ocholt a olengchelel tial rakd malchub eng mla mo eim 5 el klebesei ra bom nguu a test era COVID engdi dimlak bol chemolt. 
  • A olengchelel a COVID-19 a mla mo mechitechut, e ke mla mo mesisiich, e mla mo sebechem el kudmokl a ngerchelem era basio ra urerem, E DIRREK 
  • Dimlak le ngasch a kleldelem era chelsel a 24 el sikang el dimlak molim a kerul a tereter, E DIRREK 
  • Ke mla mo subed el sebechem el ou mask e teloech era bebil ra rechad el chelsel a 5 el klebesei

Alsekum a merredelel a urerem a soal mesa babilngel a toktang el dmur kau me ke di kiei era blim, eng sebechem el mekodongii a toktang er kau. 

A bek el kombalii a diak el sebecherir muri era rechederir el olab a babilngir el olcholt el kmo ngkal staff a negative e ngii a mcha sebechel el muut el mo ureor. 

Tial babier el kirir ar merredel ma rechad era ureor a meketeklii a meral teletelel a rekdel a COVID-19 ma olutel a chad el mo ra urerel. 

 Babier el mora merredel January 21, 2022 

Kirek el ouchais ra merredelek ra urerek?

Kede kaudklatk el uase alsekum a chad el oureor e mo nguu tial rakt e dirk mle teloech era rechad era urerel a kirel mereched el subedii a meredel. Ngsebechem el omekioud era berkel a rektel a COVID-19 e orchedau el mesubed era rmerredel.  Seikid ea rechad era urerem a mo medengei e mo kerkikl er tir e dirrek el mo melae era kensa er tir.

A Merredellek a mo ouchais ra rechad ra urerek eng diak?

Ar merredel mar orrurt a ureor a ngerchelir el subedetrir a rchederir ra ureor alsekum e te medengei el kmo ngarngii a mla nguu a rakt el COVID-19. Okiu a American with Disabilities Act (ADA). eng diak a llemeltel a chad el ochotii a ngklel a chad el smecher.

A Merredelek eng mo mengetiit er ngak el kirel a telengtengil a rakt el COVID-19?

A rechad el orrurt a ureor a mo oker ra chad alsekum eng sesmecher a teletelel. Ale ngarngii a rektel a rechad ra ureor eng kirel a merredel el kudmokl a record er tir lotireklii a llechul a ADA.

Kokerngel a basio ra ureor

Momekedong ra Oregong OSHA el report ra kengaol ra basio ra urerem. A lambang a 503-229-5910 alchub em email ra osha.oregon.gov/workers.

Kau el chad alsekum eng ngarngii a kngtil a rngum er a blekerdelel a merredelem er ser a mouchais er tir el kmo ke mlo smecher el COVID-19 e momekedong ra Oregon Bureau of Labor and Industries (BOLI) momekedong ra 971-673-0761 alchub e mou email ra help@boli.state.or.us.

Ulengchelel a chad el ngii  smecher

  • Oregon a ngarngii a llechul kirel a paid sick time molemuut er ar part-time el chad er a ureor Tiang omnguu alsekum me a urerem a ngarngii ar oureror er ngii el engelakl er ar teruich el chad
  • AIkal ongtiall el tekoi morar chad er a obis el tekingel a U.S Department of Labor
  • Momkedong er a 211 alsekum kousbech a ngeseu el di ngara blai el quarantine