Person at work on a car wheel wearing a mask

Fekau-Fakamuimuitaha ‘aho 4/22/2022

COVID mo ho ngaue

’Okapau te ke sivi positivi ki he COVID-19, pe ‘asi mai ha faka’ilonga puke, nofo ‘i ‘api. 

Fakaha ki ho’o pulengaue ‘oku ke puke. Ngaue’aki ho’o livi puke kapau ‘oku kei toe. Muimui ki he ngaahi tu’utu’uni ki hono fakamavahevahe’i koe.

‘E malava ke ke foki ki he ngaue ‘okapau: 

  • Kuo ‘osi e ‘aho e 5 mei he kamata ‘anga ‘o e faka’ilongapuke pe ‘aho e 5 mei ho’o sivi positivi he COVID kapau ne ‘ikai ke ‘i ai ha faka’ilonga puke kimu’a,
  • Ko ho’o faka’ilonga puke COVID-19 kuo faka’au ke vaivai, faka’au ke sai, pea kuo ke ongo’i sai ange ke fakahoko ho ngaahi fatongia ‘i he ngaue, PEA 
  • Na’e ‘ikai ke ke mofi ‘i he houa e 24 te’eki ke ngaue’aki e ‘u faito’o fakasi’isi’i mofi, PEA 
  • ‘Oku ke malava o tui e me’a’ufi’ufi mata ‘oku hao lelei ‘i ho’o feohi mo e kakai kehe ‘i ha toe ‘aho makehe e 5 tanaki atu ki ai

‘Okapau ‘e fiema’u ho’o pulengaue ha tohi ‘a e toketa ke ke nofo ‘i ‘api, te ke lava o fetu’utaki ki ho toketa, kiliniki, pe ko e feitu’u ne ke sivi ai. 

‘Oku ‘ikai ke fiema’u ‘e he pulengaue ha sivi nekativi kimu’a pea fakangofua koe ke ke foki ki he ngaue.

Ko e tohi eni ma’a e pulengaue mo e kaungaue ‘oku ne fakamatala’i e fakahinohino ki he ‘u keisi ‘o e COVID-19 mo e ngaahi makatu’unga ki he foki ki he ngaue:
Tohi ki he kau Pulengaue, Sanuali 21, 2022 

Te u fakaha ki he ‘eku pulengaue?

‘Oku mau fokotu’u atu ki ha taha pē ‘oku sivi kuo positivi pea kuo ne feohi vāofi mo e kakai kehé ‘i he ’enau ‘api ngāué ke nau fakahoko ki he ‘enau pulengāué pe supavaisá. Te ke malava ‘o fakatuai’i ‘a e mafola ‘a e COVID-19 ‘aki ho’o fakahoko ki ho’o supavaisá pe pulengāué ‘i he vave tahá. Ko kinautolu na’a nau ofi atu kiate koe ‘i he ngāué te nau ‘ilo’i leva ke nau sivi foki.

‘E fakaha he’eku pule ki he’eku kaungangaue neu sivi positivi?

Kuopau ke fakahaa ‘ehe pulengaue ki he kaungaue kapau ‘oku nau pihia he COVID-19 ‘i he ‘apingaue. ‘Oku ‘ikai ngofua kenau fakaha ho hingoa pe ngaahi fakamatala fakafo’ituitui o fakatatau ki he Kupu’i lao malu’i e kau ‘Amelika moe ‘u faingata’a fakasino pe faka’atamai(ADA).

‘E fakafehu’i au he’eku pulengaue fekau’aki moe ngaahi faka’ilongapuke COVID-19?

Lolotonga e to mahaki faka’auha, ‘e fehu’i ‘ehe kau pulengaue pe ‘oku ai ha kaungaue ‘oku nau ma’u e ‘u faka’ilonga puke. Kuopau ke nau tauhi e kotoa e ‘u fakamatala ‘oe puke e kaungaue koe lekooti fakafaito’o fakapulipuli, ‘o fakatatau ki he ADA.

Malu he ‘apingaue

Ta ki he OSHA ‘o Oregon ke lipooti e fakatamaki ‘i ho potungaue. Ta ki he 503-229-5910 pe ‘alu ki he osha.oregon.gov/workers.

Kapau ‘oku ke pehe ‘oku ‘ikai ke fea hono ngaahi koe ‘i ho’o tala ki ho pulengaue ne ke sivi positivi he COVID-19, fetu’utaki ki he Potungaue Leipa moe Ngaahi potungaue o Oregon (BOLI). Ta ki he 971-673-0761 pe ‘imeili help@boli.state.or.us.

‘U Livi Puke

  • Vahe Taimi Puke – ‘Oku foaki ‘e he lao ‘o Oregon ki he kaungaue kotoa pe ‘a e livi ki he taimi puke, kau ai e kaungaue ‘ikai ngaue taimi kakato. Te ke ma’u eni kapau ko ho’o pulengaue 'oku toko 10 pe tokolahi ange e kaungaue (6 pe lahi hake ‘i Portland).

  • Malu’i Mahu’inga Lolotonga e Ngaahi Fakaamatala Mahu’inga Penitemiki COVID-19 mei he Tipaatimeni ‘o e Leipa ‘o e ‘Iunaiteti Siteiti

  • Ta ki he 211 kapau te ke fiema’u ha tokoni ke nofo ‘i ‘api lolotonga e kolonitini mo e fakamavahevahe.