drive-up COVID-19 testing at East County Health Center

Subed el tilobed er a 5/24/2022

Ng kirem el mo nguu a kensa alsekum eng morngii a symptoms er kau ra COVID-19 malechub e ke mle kmeed ra bebil ra rechad el smecher ra COVID-19.   Chad el kaiuekeed a belkul a kmo a chad a mla ra osisiu el basio el kmeed el 6 feet a delongelir el sal kesai eng 15 el bung el morbab era chelsel a tal sils, el ou mask ma lak.

Alsekum e ke melatk era mo melae era kensa e le ke mlo kmeed era cha del mla nguu a rakt el COVID-19 eng kirem el choilii el 5 el klebesei era uriur rsel sils el blom kaseues. Mo diak el sal ungil tobed a kekka era kensa alsekum e ke mal orreched el melae er ngii.  A chad sesmecher a kirel kiei era blil e cheroid era bebil ra rechad.

Sebechem el mo mesang a toktang rkau malechub eng nurse ra clinic ma lomeskau a kensa. A lak a toktang rkau eng betook a testing site ra beluu el sebechem el mong e nguu a kensa rngii.

Basio ra omelai el kensa

Ngarngii a tada el kensa el mora rechad el mla ocholt a symptoms rtial mekngit rakt ma dirrek el mora rechad el mlo kmeed ra tara chad el mlo smecher el COVID-19. Momekedong ra 503-988-8939 al ngarngii a kerim malchub e ke meruul appointment er kau. Te ngarngii arm o oiuid a tekingem.

OHSU Testing Sites

Momkedong er a 833-647-8222 malechub e bora OHSU website el kirel a basio me a omesodel 

Test el sebechem el melai er a blim

Sebechem order a test el molai er a blai el diak locheraol er a USPS. Te send el morkau a kleuang el test el mora chimol blai A omousbech a ngeseu el order a test er kau e ng sebechem lomkedong er a 503-988-8939. 

A test el molai er a blai a sebechem lomechar online malechub aikal pharmacy er a om kiei er ngii

Mekerang a douspech er tial klalo el chad a di ngii el melai ra skeng

A omelai el skeng a kirel a chad el melai er ngii era di chelsel a 5 el klebesei ruriul ra blal lolechesuar el kmong ngmla nguu a rakt ra COVID-19 alchub eng di kesai el klebesei ra lolechesuar ra bedengel el sesmecher. Monguiu el mo ungil a rokui el omsodel a teletelel a uspechelel a skeng ra uchei era bom ouspech er ngii.  Momekedong era chad era  osbitar er kau alsekum eng ngarngii a kerim era skeng ma kekka er kau.

Muut el bebil ra omesodel:

A omelai el kensa el mo ra rechad el bekikl el kirel a immigration status er tir ma public charge

  • Ngdiak el kirel el kmo alsekum e diak om chad ra beluu ra Multnomah County eng mo diak el sebechem el nguu a kensa. Ma lak a insurance rkau megndi sebechem el nguu a kensa.
  • Ngdirrek el diak bode bekikl ra immigration status rkau
  • Kemam a diak ki bom ocholt a ngii dil information rkau el mora rechad ra immigration ma rechad ra kerrekeriil

A obis ra immigration ma kastoms a ngarngii a llecherir el merrob er tir meng diak longesimer ra rechad el ngara osbitar el smecher e ngara ukeruul malechub e te melai a kensa.

Alsekum e kemo ra ukeruul ra COVID-19 ea record rkau a diak bol lolemall ra techelem el mo eligible el kirel a permanent residency ra beluu ra merikel. Ng sebechem el muut el chiuii a komakai el omsodel aikal lach ra elsel a Public Charge.

Sel oblam nguu a test

Alsekum ke positive er a COVID-19:

Step 1: Dim ngara blim elak bo bereked er a rechad molemuut er a rechad el om dak el kiei 

  • A om sesmecher ma lak e moutekangel el kiei era blim e mengeroid er kau era rechad (mengeroid) el kesengil eng 5 el klebesei.
  • Ikrel sel eim el klebesei eng sebechem tuobed alsekum dikea msecher el mekeald malechub ekoklukl el mla mo 24 hours e diak mkora smecher elm la oisisab a bedengem
  • Ke melemolem el ou mask e kerekikl er a delongelir a rechad e outekangel el kiei er a blim el muut el eim el klebesei.

Step 2: Morechedau el mesubed era rechad el omkeed er tir el kmo ke mla nguu tial rakt. Tir a dirrek el mo kerkikl me lak bol oiuelii a rakt el COVID-19 e melemolem el ou mask era seked a mo nguu a test er tir.  “kaiuekeed el chad” a belkul a kmo a rechad a mlara osisiu el basio e mlo kaiukeed el betok era 15 el bung era chelsel a blai, lou mask ma lak.

  • Alsekum ke mo smecher: e komkedong er tirkel om kileed er a chelsel aikel eru el klebesei er a uchei er a bom secher.
  • Alsekum diak msecher: e momkedong er tirkel chad el om kileed er tir er a chelsel eru el klebesei er a uchei er a om nguu a test er kau er a COVID-19. 

Al ngarngii a kerim e momekedong era toktang er kau, 211, malchub e ke misii a website era beluu el om kiei er ngii.

Step 3: Msikii ngeseu omousbech er ngii  Momkedong er a 211 a omousbech a ngeseu el di ngara blim Ng locha sebechir ngosukau el metik omousbech el ngara blim er a chelsel aikel eim el klebesei

Alsekum ke nguu a test e negative

Sel bom sesmecher eng ungil a odim kiei era blim e diak bo momais er ikr el choilii me sel bol mesiisch a bedengem, el diak a belkul a blom neketib era test er kau.

Alsekum e kau a mle tal bom keed era chad el dirk ngiluu a rakt el COVID-19, eng kau me ke dirrek el sebechem el oiuelii tial rakt el mora ngodech el chad. Di tal tirkel kiei e oureor ra basio el klou a rakt er ngii a melemolem el mengesimer tir era , keblirir, ma osbitar, ma bebil era basio, ea lak eng diak mongesimer er kau.

  • Ke di omes er jos era bedengem el 10 el klebesei era uriur era bom keed era smecher. Bom kerkikl era chad om keed er tir ma basio el oborngii. Dirrek el sebechem el mo kerkikl el diak bom teloech era rechad el mechitechut a bedengir era rakt el COVID-19 e diak mobes el otungii a mask er kau, el di melemolem er tial omeruul el chelsel a 10 el klebesei.
  • A blo molai era kensa era blim el kirel a COVID-19, eng kirem el lmuut el mo melae era tara kensa era chelsel a 1-2 el klebesei ra uriur. 

Aika ongtiall el tekoi el mora buai. Rechad el kiei me ar oureor er a shelter, kelbus  malechub ng ikel basio el tir a kaiukeed a rechad er ngii. Quarantine raikal basio me a taem el kirem el cheroid er a rechad a dirk teruich el mo teruich me a eua el klebesei.

Molemolem el msebechakl er kau mar bebil er kau: Dim kiei era blim, mongeroid er kau el 6 feet a cheridem era rechad, e mo mekudem el meleball.