ဘၣ်တၢ်မၤသီထီၣ်အီၤ-     

9/26/2022

အခဲအံၤ Multnomah န့ၣ် အိၣ်ဝဲဖဲ CDC ပှၤတဝၢ COVID19 တၢ်ဘၣ်ယိၣ်စှၤအပတီၢ်န့ၣ်လီၤ. CDC အံၤ ဒိးသန့ၤထီၣ် အပှၤတဝၢပတီၢ်တဖၣ် လၢတၢ်စူးကါတၢ်ဆါဟံၣ်လီၢ်မံပှဲၤဖျၢၣ်, တၢ်ဆါဟံၣ်အတၢ်ပၢဆှၢရဲၣ်ကျဲၤ, ဒီးတၢ်ပာ်ဖျါထီၣ် တၢ်ဘၣ်ကူဘၣ်ဂာ်ဒီး COVID-19 အသီ ဖဲလီၢ်ကဝီၤပူၤအဖီခိၣ်န့ၣ်လီၤ. ပာ်သူၣ်ပာ်သးလၢ တၢ်ဘၣ်ကူၣ်ဘၣ်ဂာ် အါဒံအါဂၤန့ၣ် တၢ်တပာ်ဖျါထီၣ်အီၤ ခီဖျိတၢ်မၤကွၢ်သးလၢဟံၣ်အဃိန့ၣ်လီၤ.

ပှၤဃုထၢလၢ ကသိးနါဒ့ခံဖျီၣ် လၢအဆီကတီၢ် တကတီၢ်လၢ်လၢ်သ့ဝဲန့ၣ်လီၤ. ပှၤလၢအအိၣ်ဒီးတၢ်ဆါပနီၣ်တဖၣ်, မၤကွၢ်သးဖျါလၢအိၣ်ဒီးတၢ်ဆါတဖၣ်, မ့တမ့ၢ် အိၣ်ဘူးဘၣ်ဒီးပှၤတဂၤဂၤ လၢအအိၣ်ဒီး COVID-19 အံၤ ကြၢးသိးနါဒ့ခံဖျီၣ် လၢတၢ်သူၣ်ထီၣ်အပူၤ ဒီးဖဲအအိၣ်ဒီးပှၤအဂၤအခါန့ၣ်လီၤ.

နီၣ်ထိၣ်နီၣ်ဒွးတအိၣ်ထဲတခါ လၢကမၤနီၣ်မၤဃါ တၢ်မနုၤကဲထီၣ်သးလၢ COVID အဂီၢ်ဘၣ်. ပသ့ၣ်ညါလၢ တၢ်အံၤမ့ၢ်တၢ်လီၤသဘံၣ်ဘုၣ် လၢ COVID အတၢ်အိၣ်သးအံၤ ဆီတလဲဒံးသးဆူညါန့ၣ်လီၤ. ပသ့ၣ်ညါစ့ၢ်ကီးလၢ COVID-19 အံၤ အိၣ်ဒီးပှၤလၢအဆၢကတီၢ်ယံာ်သ့န့ၣ်လီၤ. ဖဲလၢတၢ်အိၣ်သးတဖၣ်ဆီတလဲသးအခါန့ၣ် ပကလိၣ်ဆီတလဲမၤဘၣ်ဘျိးဘၣ်ဒါ ပသကဲာ်ပဝးန့ၣ်လီၤ.

လူၤပိာ်မၤထွဲ တၢ်ဟ့ၣ်ကူၣ်ဟ့ၣ်ဖးလၢလာ်ဆူညါ ဒီးစူးကါတၢ်ဒီသဒၢအါပတီၢ် ဖဲနမၤအီၤသ့ ဒ်သိးကဒီသဒၢ နနီၢ်ကစၢ် ဒီးပှၤလၢနခိၣ်နဃၢၤအဂီၢ်တက့ၢ်.

လၢကဒိးန့ၢ်တၢ်ဒီသဒၢအါန့ၢ်အန့ၣ်အဂီၢ်

ပှၤကိးဂၤဒဲးကြၢး

ဖဲတၢ်ဘၣ်ယိၣ်အါထီၣ်အခါန့ၣ် ထၢနုာ်အါထီၣ် တၢ်ဒီသဒၢအပတီၢ်သ့ၣ်တဖၣ်

ဒ်သိးကမၤစှၤလီၤ နနီၢ်ကစၢ်တၢ်ဘၣ်ယိၣ် ဒီးပပှၤတဝၢအတၢ်ဘၣ်ယိၣ်အဂီၢ်, ပဟ့ၣ်ကူၣ်လၢ နကထၢနုာ်အါထီၣ် တၢ်ဒီသဒၢအပတီၢ်တဖၣ်န့ၣ်လီၤ. ဘၣ်သ့ၣ်သ့ၣ် --

  • မၤယံာ်မၤနီၢ် တၢ်လဲၤအိၣ်သကိး ပှၤလၢတၢ်လီၤဘၣ်ယိၣ်ဒိၣ်လၢ ကဆိးက့နးနးကလဲာ်တဖၣ် မ့တမ့ၢ် မၤအါထီၣ် တၢ်ဒီသဒၢအကထၢတဖၣ် ဒ်အမ့ၢ် ထံၣ်လိာ်သးလၢတၢ်ချၢ, အိးထီၣ်ပဲတြီတဖၣ်, မ့တမ့ၢ် သိးနါဒ့ခံဖျီၣ်တဖၣ် ဖဲအိၣ်လၢအဝဲသ့ၣ်အကပိာ်ကပၤအခါ.
  • မၤတၢ်ပျီပူၤတၢ်ထံၣ်လိာ်သး ဆံးဆံးဖိတဖၣ်
  • သိးနါဒ့ခံဖျီၣ် ဖဲတၢ်သူၣ်ထီၣ်ပူၤ မ့တမ့ၢ် ဖဲပှၤကတံာ်အလီၢ်တဖၣ်
  • မ့ၢ်သ့မ့ၢ်ဘၣ် အိးထီၣ် ပဲတြီဖိဒီးတြဲၤတဖၣ် လၢကလံၤတၢ်ဟဲနုာ်ဟးထီၣ်ကဂ့ၤထီၣ်အဂီၢ်.

လၢပှၤလၢအိၣ်ဒီးနီၢ်ခိဂံၢ်တြီဆၢစှၤ မ့တမ့ၢ် အိၣ်လၢတၢ်လီၤဘၣ်ယိၣ်အါလၢတၢ်ဆါနးတဖၣ်အဂီၢ်

နမ့မ့ၢ်ပှၤလၢ ဆိးက့ဆူးဆါနးနးကလဲာ်သ့ လၢ COVID-19 အဃိန့ၣ်, ဆဲးကျိးနကသံၣ်သရၣ်တက့ၢ်. နကသံၣ်သရၣ်အံၤ ဘၣ်သ့ၣ်သ့ၣ် ကဟ့ၣ်ကူၣ်နၤလၢ ကသိးနါဒ့ခံဖျီၣ် မ့တမ့ၢ် ဟံးန့ၢ်တၢ်ပလီၢ်ဆိသးန့ၣ်လီၤ. နမ့ၢ်ဆိးက့န့ၣ် အဝဲသ့ၣ်မၤစၢၤနၤလၢ ကဒုးအိၣ်ထီၣ်တၢ်တိာ်ကျဲၤလၢ တၢ်ကူစါယါဘျါ အဂီၢ်သ့န့ၣ်လီၤ. ဒ်သိးကမၤစၢၤဒီသဒၢနၤ လၢသုတဆိးက့ဆူးဆါနးနးကလဲာ်အဂီၢ် တၢ်ကူစါယါဘျါကျိၤကျဲအသီတဖၣ် အိၣ်ဝဲန့ၣ်လီၤ. အလီၢ်အိၣ်ဝဲဒၣ်လၢ တၢ်ကစးထီၣ်မၤဆိ တၢ်ကူစါယါဘျါကျိၤကျဲတဖၣ်လီၤ.

မ့ၢ်လိၣ်န့ၣ်, တိာ်ကျဲၤလၢ တၢ်မၤကွၢ်သး ချ့သဒံးအဂီၢ်တက့ၢ်.  

န​က​သံၣ်​သ​ရၣ်​မ့ၢ်​တ​အိၣ်​​န့ၣ်, လၢ​​ကဒိး​န့ၢ်​ဘၣ်​တၢ်​မၤ​စၢၤ​အဂီၢ် ကိး 211 ​တ​က့ၢ်.

မ့ၢ်တၢ်ဖီၣ်ဃံးတၢ်အသီတဖၣ်ကအိၣ်ဧါ.

လၢတၢ်မၤလိာ်တဖၣ် မ့တမ့ၢ် တၢ်ဆိကတီၢ်ကွံာ်တၢ်တဖၣ်အဂီၢ် အခဲအံၤပတအိၣ်ဒီးတၢ်တိာ်ကျဲၤတဖၣ်ဘၣ်. ဖဲတၢ်ဆါသတြိာ်ကဲထီၣ်သးအခီၣ်ထံးအခါ တၢ်မၤလိာ်တဖၣ် ဒီးတၢ်ဆိကတီၢ်ကွံာ်တၢ်တဖၣ်န့ၣ် မ့ၢ်ပကျဲကူၣ်သ့တဖၣ် လၢကတြီဃာ် COVID-19 တၢ်ရၤလီၤသးန့ၣ်လီၤ. ခဲအံၤပအိၣ်ဒီးကသံၣ်ဒီသဒၢတဖၣ်, တၢ်မၤကွၢ် ဒီးတၢ်ကူစါယါဘျါတဖၣ် ဒီတၢ်လၢပထံၣ်လၢအမၤစၢၤဒီသဒၢပပှၤတဝၢတဖၣ်န့ၣ် ပဖံးထီၣ်မၤထီၣ်အီၤ သ့ဝဲန့ၣ်လီၤ

အိၣ်ကတီၤသးလၢတၢ်ဆီတလဲတဖၣ်အဂီၢ်

COVID-19 အိၣ်ဆိးဝဲဒၣ်ဒံးလၢပကျါ ဒီးပမုၢ်လၢ်လၢ တၢ်ဆါအတၢ်ကဲထီၣ်သး နီၣ်ဂံၢ်နီၣ်ဒွးတဖၣ် ကဆဲးအါထီၣ်ဒီးစှၤလီၤဒံးန့ၣ်လီၤ. ဖဲ COVID ရၤလီၤသးလၢပှၤတဝၢပူၤ မ့တမ့ၢ် ဖဲတၢ်ဆါဆီတလဲအသးလၢကျဲလၢအလီၤဘၣ်ယိၣ်အဘိဘိအခါန့ၣ်, ပကဟ့ၣ်ကူၣ် တၢ်ဟူးတၢ်ဂဲၤလၢပှၤမၤအီၤသ့တဖၣ် ဒ်သိးကမၤစၢၤ မၤစှၤလီၤတၢ်ဘၣ်ယိၣ်လၢပှၤကိးဂၤအဂီၢ်လီၤ. တၢ်အိၣ်ကတီၤသးလၢ ကဆီတလဲပတၢ်ပာ်သူၣ်ပာ်သးန့ၣ် မၤစှၤလီၤ ပတၢ်သူၣ်ကိၢ်သးဂီၤတဖၣ်သ့ဝဲ ဖဲ COVID-19 တၢ်အိၣ်သး, မ့တမ့ၢ် ပှၤတဝၢအပတီၢ် ဆီတလဲသးအခါန့ၣ်လီၤ..

အိၣ်ကတီၤသး ဖဲ COVID-19 ဆီတလဲသးအခါ-

တၢ်ဂ့ၢ်တၢ်ကျိၤဆူညါတဖၣ်

တၢ်ဂ့ၢ်ခီၣ်ထံးခီၣ်ဘိတဖၣ် လၢပစံးအီၤသ့ဒ်အမ့ၢ် COVID-19 တၢ်အိၣ်သး ဆီတလဲ အိၣ်အါမံၤန့ၣ်လီၤ. တၢ်အံၤပၣ်ဃုာ်ဒီး တၢ်ဆါအဂ့ၢ်အခၢး မ့တမ့ၢ် ပှၤထီၣ်တၢ်ဆါဟံၣ် တၢ်ဟဲအါထီၣ်, တၢ်ဆါအကလုာ်လီၤဆီအသီ, မ့တမ့ၢ် CDC ဆီတလဲပှၤလၢ ပှၤတဝၢအပတီၢ် ဆူအဂၤတပတီၢ်န့ၣ်လီၤ. မၤသ့ၣ်ညါနသးလၢ တၢ်အိၣ်သးတဖၣ်အံၤ ချုးဆၢချုးကတီၢ်တက့ၢ်. နသမံသမိးကွၢ် Multnomah ကီၢ်ရ့ၢ်အ COVID-19 ပှၤတဝၢအပတီၢ် အခဲအံၤ သ့ဝဲဖဲ ပှာ်ယဲၤသန့တဖၣ်အံၤန့ၣ်လီၤ