People demonstrating a variety of COVID safety measures, a vaccine, getting a test, talking to a doctor and wearing maskSubed el tilobed er a 5/25/2022

COVID-19 ele mihieier rehtail erein ahnsou reirei oh e kin wia mehkot me kapingada aramas ni wekidekla kan eh kin wiawi. Wekidekla pwukat koaros wia mehkot apwal ong koaros. Ni atail kin wia wekidekla kan me anahn e sewese pere pein kitail, kompoakepatail kan, oh atail kousapw en wia wasa ehu wasa me sohte keper.

Ni ahnsou me keper en soumwahu en COVID-19 wie lalaudla nan atail kousapw, de ni eh wie tohtohla aramas me iangada soumwahu, kitail kak doadoahngki iren kaweid kan me kak pere pein kitail. Dehr awih lao mie ehu kosonned kapw ah komw ahpw wekidala omw wiewia. Iren kaweid kan me komw kin ale pwehn pere komwi sang COVID wie doadoahkte pwehn katikala omwi keper en alehdi soumwahu oh kalaudehla perepe ong irail kan me mengei en iangada soumwahu.

Pwehn wia soahng kan en dehr keper

Aramas koaros anahne en:

  • Ale doken silasil kan koaros me anahn
  • Mih nan imwomw ni omw soumwahu
  • Widen pehmw en pak tohto
  • Ale keseu ma komw ahneki irair kan en soumwahun COVID-19.
  • Idawehn iren kaweid kan ong katohrei komwihla sang meteikan ma komw ale keseu oh dierek me komw alehdi soumwahu o.

Ma irair o susuwedla, se kangoangei komwi en kapatahiong pil ekei wiepe teikan en perei komwi. Pwehn katikala keper ong komwi oh omwi kousapw, ele komw pahn anahne en:

  • Kauhdi mahs omwi mwemweit la rehn aramas kan me ahneki keper laud en iangada soumwahu laud, de kapatahiong pil ekei elen perepe teikan duwehte doadoahngki mask oh mih ekis doh sang rehn aramas pwukat ni omw mih rehrail.
  • Wia kisin pwihn ni ahnsoun ehupene
  • Doadoahngki mask nan ihmw de nan pokon kan
  • Ritingada wenihmw tok kan oh wenihmw kan pwe tangatang en kisinieng en tangamwahu.

Ong irail kan me ar kehl en paliwar sohte nohn kehlail en pere sang soumwahu de irail kan kan me mih nan keper laud en iangada soumwahu laud

Ma komw mih nan keper en iangada soumwahu laud en COVID-19, tuhwong omwi toahkte. Omwi toahkte o ele pahn kangoangei komwi en doadoahngki mask de wia soahng teikan me anahn. Re kak sewesei komwi en wiahda plan ong sawas en wini ma komw iangada soumwahu. Mie sawas en wini kapw kan ni ahnsou wet me kak sewesei komwi en dehr nohn soumwahuda laud. Tohto rehn sawas en wini pwukat anahne emen en mwadang alehdi.

Wiahda ehu plan pwehn mwadang ale keseu ma mie anahnepe.  

Ma sohte omwi toahkte, komw eker 211 pwehn ale sawas en diar emen ong komwi.

E pahn mie iren kaweid en kalikidi kapw kan?

Sohte koasoandi ong iren kaweid kapw de koasoandi teikan ni ahnsou wet. Nin tepin soumwahu lusulus wet kosonned oh koasoandi kan iei ekeite wiepe me kak sawas katikala doupeseng en soumwahu en COVID-19. Met mie rehtail doken silasil kan, mehn keseu oh sawas en wini oh kitail kak wia soahng kan me kitail kilang me kak sawas oh pere atail kousapw.

Onopada pwehn wia wekidekla kan

Kitail wie moumourte ni ahnsoun COVID-19 oh kitail kasik nempehn aramas me pahn iangada soumwahu wet pahn kin kohda oh pil kohdi. Ni ahnsou me COVID eh parpeseng nan kousapw de soumwahu wet wia wekidekla kan me kak kapwunodei kitail, se pahn wiahda koasoandi kan me aramas kak en ale pwehn sewese pere atail kousapw. Ni atail onopada en wia wekidekla kan e kak katikala atail pwunod ni ahnsou me COVID-19 de irair en atail kousapw wekidekla.

Onopa ni ahnsou me mie wekidekla kan ong COVID-19:

Ire teikan

Mie soahng tohto me kak pidada wekideklahn soumwahu en COVID-19, soahng kan me duwehte uwen aramas me iangada soumwahu de kapidelong nan imwen wini lalaudla, ehu soangen mwahs kapw, de pelien CDC wekidala irair en ehu kousapw ong ni ehu tohrohr. Nantihong alehdi ire kapw kan koaros. Komw kak tehk ire kapw kan ong kousapw en Multnomah me pid COVID-19 ni website pwukat: