9/15/2021

Test nuh ke COVID-19

E fwal kom in wi eis test se inge fin oasr symptoms ke COVID-19 yurum, kuh, kom fin tuhkuh fototoyang nuh sin mwet ma oasr ke COVID-19. Kalmen tuhkuh fototoyang (close contact) pa kom fin fototoyang liki fit 6 nuh sin sie mwet ma oasr ke COVID-19 ac loes liki minit 15, kom finne orekmakin mask kuh tiac.

Kom fin eis test uh ke sripen kom som fototoyang nuh sin sie mwet suc oasr ke COVID-19, e wo kom in sano tukun len 4 fah kom som testlac. Sahp test lom uh e tiac orekma fin kom sa na teslac. Tuhsruhktuh, ke kom sano in sun len 4 ingen, kom srackpacna enenuh in muhtana lohm sum an ac sifacna srikomlac liki mwet saye.

Kom kuh in som testlac yurun doctor kuh clinic lom an. Fin wacngin doctor lom kom kuh pac in som wi testlac ke oacna sie acn ma ahkfahsre test inge (community testing site).

Kais kuhtuh acn ma ahkfahsrye test inge

Oasr pac test ma kom e tiac enenuh in moli. Test inge oasr, tuhsruhktuh, kom enenuh in orek appointment nuh kac, ac enenuh in oasr symptoms ke COVID-19 yurum, kuh kom fin etuh lac kom som fototoyang nuh sin sie mwet suc oasr ke COVID-19.

Pahngon 503-988-8939 in oraclah appointment lom, kuh in eis pac kuhtuh me ahkkahlemye inge. E oasr mwet in leng suc ac kuh in kahsre kom.

Kais kuhtuh acn ma ahkfahsrye test inge ac pacl nuh ke an

Acn ac pacl nuh ke test inge kuh pac in eklac. Pahng kuht in kuh in usot updates nuh ke kais sie acn inge.

  • Fabric Depot

700 SE 122nd Ave., Portland

Tuste 8:45 a.m. to 3:45 p.m.

  • Mid County Community Testing - IRCO

10301 NE Glisan St. Portland

Fracte, 11:00 p.m. - 1:30 p.m.

  • Rockwood Community Testing - Latino Network

312 SE 165th Ave. Portland

Sacte, 9:00 a.m. - 11:00 a.m.

Acn in test, immigration status ac public charge

  • Kom tiac enenuh kom in sie mwet mas ke Multnomah County fah kom kuh in eis test uh
  • Kom tiacna enenuh in oasr health insurance lom
  • Kom ku in eis kasru ke health care finne fukah immigration status lom an
  • Kut ac tiac share information lom an nuh sin kutena mwet ke law enforcement kuh mwet ke immigration office.

Oasr akwuck (policy) ma oreklac in karihngihn tuh Immigration ac Custom Enforcement in tiac oraclah kuhtena arrest ke acn (facilities) na kewa ma ekihn hospital, doctors office, health clinics ac acn in emergency kuh urgent care. 

Kom fin eis kasruh lom nuh ke COVID-19, kuht e tiac orekmakin in sang lain kom ke pacl ma kom suk in oraclah permanent residency lom in muhtana fin acn United States. Rid ih in etuh pac ke ma inge ke Public Charge.

OHSU Testing Sites

Pahngon 833-647-8222 kuh kom som nuh ke OHSU’s website kom in kuh in etuh ke kais sie acn in test inge a kuhtuhpac mwe ahkkalemye sahye.

Testing flyer >>

Tuhkuhn kom testlac

Kom Fin testlac tuh positive

Step 1: Muhtana lohm sum an ac srikomlac liki mwet saye suc tiac wi kom muhta. Fin symptoms ke mas se inge oasr yurum, pacl na ma kom ac kuh in tuhkuh fototo nu yurun mwet saye uh pa:

  • Fin wacngihn fever yurum lusen ao 24 ke kom tiacna orekmakihn kuhtena ono nuh kac.
  • Symptoms kom puhla yurum an wolac kuh wacngin lac
  • Len 10 tukun kom muhtacwack pulakihn symptoms inge

Fin wacngihn symptoms yurum, kom kuh in tuhkuh fototo nuh yurun mwet uh, tuhsruhk:

  • Len 10 tukun kom eis test lom an, kom pass, ac wacngihn symptoms yurum.

Mwet suc ma wi kom muhta, enenuh pac in sifacna karihngin tu elos in tiac pac fototo nuh sin mwet sayen lohm suwos an ne ke na sun len 14. Fin oasr kisen siyuck, kom kuh pac in pahngon doctor lom an.

Step 2: Ahkkahlemye nuh sin mwet kom fototo nuh yuruh an lah kom test tuh positive. “Mwet ma kom fototo nuh yuhruh an” pa, mwet suc kom tuhkuh fototo nuh yuruh loes liki minit 15, finne kom mask kuh tiac. Ahkkahlemye pac nu selos lah elos ac enenuh pac in som testlac, ac elos ac enenuh pac in tiac forfor ke lusen len 14 pac, finne wacngin symptoms yohrohlos.

Fin oasr symptoms yurum: pahngonack mwet suc kom fototo nu yuhruh an ac ahkkahlemye ma inge – mwet suc kom tuhkuh fototo nuh yuhruh len 2 met liki symptoms muhtacwack in kalem yurum.

Fin wacngin symptoms yurum: pahngonack mwet suc kom fototo nu yuhruh an ac ahkkahlemye ma inge – mwet suc kom tuhkuh fototo nu yuhruh len 2 ma met liki kom eis test nu ke COVID-19 test.

Step 3: Eis kahsruh nuh ke enenuh lom an. Pahngon 2-1-1 kom fin enenuh kahsruh ke pacl kom oasr ke quarantine. Kuh in kahsreyuck kom ke kais kuhtuh ma kom ac enenuh (mwe mongo, kahsruh ke financial support, rent, ac kuhtuh pac ma sahye)

Mwet orekma ke public health e pahngon kom. Elos ac ku pac in kahsre kom pahngonack pac mwet ma kom wi muhta kuh mwet kom wi orekma. Nunak munas eis pahng lalos uh. Elos ac tiac share kuhtena information ke im nuh sin immigration kuh office luhn karihngin yacn masap.

Kom fin test nuh ke COVID-19 tuh negative

Kalmen quarantine pa kom in sifacna srikomlac liki mwet saye ma tiacna wi kom muhta. Ohiyacn quarantine se inge ahkfasryeyuck ke len 14. Kom fin tuh tuhkuh fototoyang nuh sin sie met suc oasr ke COVID 19, kom ac enenuh kom in oruh ohiyacn quarantine se inge in kuh in kasruh pac in tiac frahsrelihk mas se inge nu sin mwet saye.

Oasr pac sie ohiyacn quarantine suc sahflah na ke len 10. Kain in quarantine se inge ma nuh sin mwet ma wacngin symptoms kalem selos ac elos tiacna wi mwet puhs muta kuh orekma. Tuhsruhktuh, kom fin muhta yurin mwet suc ma fihsracsr in weack mas kom ac enenuh kom in quarantine len 14. Pahngon doctor lom an fin kom muhtacweack in puhla symptoms inge yurum.

Orekmakihn mask, karihngihn in oasr lusen fit 6 inmahsrlom ac mwet sahye, ac oul poum ke pacl na kewa. Oruh ma inge in karihngihn kom ac sucu lom an in tiac weack mas.