Ewi wāwein in aṃ maroñ aplaiki ñan bōk jipañ

211info: Ñe kwe ak baaṃle eo aṃ ej bōk juon enaan in kōjeḷā bwe kwōj aikuj diwōjḷọk jān ijo im kwōj kiki ie kōnke kwaar jab kōḷḷā, kwōn kajju kalḷọk 2-1-1 ñan bōk kōjeḷā ko kōn jipañ eṃōkaj ñan kōḷḷā rāān bwe kwōn jab aikuj diwōjḷọk jān ijo im kwōj jokwe ie.

Oregon Emergency Rental Assistance Program (Program in Jipañ in Jata ilo Iien Kọuwōtata ilo Oregon - Allita): Jān Wōnje, Tijeṃba 1, ilo 11:59pm ṃaanḷọk, Oregon Emergency Rental Assistance Program (Program in Jipañ ñan Rāān ilo Iien Kọuwōtata ilo Oregon) eo enaaj bōjrak an bōk peba rekāāl in aplaiki ñan jipañ. Iien bōjrak in enaaj wōnṃaanḷọk jijino wiik ko ñe edik im eban jelōt armej ro eṃōj aer jeṃḷọk im letok juon peba in aplaiki. Ñe kwōj aikuj jipañ ñan kōḷḷā rāān eo aṃ kiiō ak rāān eo kwōj rumwij jān Eprōl 2020 ñan Jun 2021, kwōn aplaiki ñan program in mokta jān aer bōjrak. Ñe kwōj aikuj jipañ ñan kadede application eo, kwōn kalḷọk 2-1-1 ñan bok jipañ.

Naan in kōjeḷā kōn kōjparok ko kōn jata

Kien eo ej bōbrae an landlord jān aer kaddiwōjḷọk armej eaar jeṃḷọk ilo Jun 30, 2021 im ejjab jerbal kiiō.

Jinoin ilo Juḷae 1, Kien 278 in Oregon Senate eo ej kōjparok armej ro jān an landlord joḷọk jata eo aer kōn an armej jab kōḷḷā rāān ñe rej aplaiki ñan jipañ in rāān im leḷọk ñan landlord peba ko rej kaṃool bwe eṃōj aer aplaiki. Armej ro remaroñ bōk jipañ in im rej kiki ilo Multnomah County remaroñ bōk kōjparok ko ilo 90 raan ko jān an landlord joḷọk jata eo ālkin an leḷọk landlord enaan eo eaikuji. 90 raan kein rej jinoin ilo iien armej eo ej leḷọk peba ko ñan landlord eo bwe eṃōj an kōṃṃane peba in aplaiki ñan jipañ in rāān. Armej ro rej rāān rej maroñ bōk peba ko rej aikuji jān ri jerbal in jipañ in rāān eo rej jerbal ippān.

Kōn menin, kōm ej lukkuun kapilōk bwe: Armej ro rej rāān ren kajju aplaiki ñan bōk jipañ in rāān ñe rejjab maroñ kōḷḷā rāān.

Ñe ewōr aṃ kajjitōk ko jet kōn wāwein im iien in aṃ leḷọk kein kaṃool kōn peba in aplaiki eo, jouj in kepaake ri jerbal in jipañ in rāān ak Oregon Law Center (Jikin Kien in Oregon), Community Alliance of Tenants (Doulul in Ri Jata Ro ilo Jukjuk in Pād) ak Legal Aid Services of Oregon (Jerbal in Jipañ in Kien ilo Oregon).

Jouj im kile bwe armej ro rejjab maroñ kaddiwōjḷọk jān ṃōko iṃweer kōn aer ruṃwij kōḷḷā in Eprōl 2020 im Jun 2021, im renaaj leḷọk ṇae Pāpode 28, 2022, ñan kōḷḷā rāān.

Ñe kwe ak baaṃle eo aṃ ej bōk juon enaan in kōjeḷā eok bwe renaaj joḷọk jata eo, kwōn kajju kalḷọk 211.

Maroñ in bōk jipañ in rāān ilo Multnomah County

Happy black family hugging and embracing on couchÑe kwōj jokwe ilo Multnomah County im epen ippaṃ kōḷḷā wōṇāān rāān (ilo allōñ in ak wōṇāān eruṃwij) kōn pandemic in, bwōlen kwomaroñ bōk jipañ. Kwōj aikuj uwaake aolep aikuj ko ilaḷ ñan bōk jipañ in:

  1. Kwōj juon armej ej rāān ilo Oregon im eruṃwij aṃ kōḷḷā.

  2. Juon ak elōñ armej ilo ṃwe iṃōṃ emaroñ kwaḷọk bwe COVID-19 pandemic eo eaar lukkuun jelōti aṃ maroñ kōḷḷā wōṇāān rāān ak utility ko (jarom, aebōj im men rot in).

  3. Wōṇāān baaṃle eo aṃ ilo juon iiō ej pād ilo ak iuṃwin 80% in Wōṇāān Ioḷāpān Iturum ekkar ñan jete armej ilo baaṃle eo aṃ. Kōjerbal jiña eo ilaḷ ñan kile ñe kwomaroñ ekkar ñan wōṇeaṃ.

Jete Armej ilo Baaṃle

80% Wōṇāān Ioḷāpān Ituruṃ

1 $54,150
2 $61,900
3 $69,650
4 $77,350
5 $83,550
6 $89,750
7 $95,950
8 $102,150