How to apply for help

211info: ንስኹምን ስድራ ቤትኩምን ክራይ ገዛ ብዘይምኽፋልኩም ካብ ገዛኹም ክትስጎጉ ምዃንኩም ዝገልጽ ምልክታ እንተደኣ ተቐቢልኩም፡ ብዛዕባ እቲ ኻብ ቤትካ ንኸይትስጐጕ ኪሕግዘካ ዚኽእል ቅልጡፍ ክፍሊት ክራይ ገዛ ዚገልጽ ሓገዝ ንምፍላጥ ብቕልጡፍ ናብ 2-1-1 ደውሉ። 

ናይ ኦሬገን ህጹጽ ሓገዝ ክራይ ገዛ (Allita)፦ ካብ ረቡዕ፣ ነሓሰ 1፣ ኣብ 11፡59 p.m. ጀሚሩ እቲ ናይ ሓደጋ ሓገዝ ገዛ ክራይ ፕሮግራም ኦሪጎን/Oregon Emergency Rental Assistance Program/ ሓደሽቲ ናይ ሓገዝ መመልከቲታት ምቕባል ደው ከብል እዩ። እዚ ደው ምባል እንተነኣሰ ንሽዱሽተ ሰሙናት ይጸንሕ ከምኡውን እዚ ንክሳብ ሕጂ መመልከቲ መሊኦም ዝሰደዱ ሰባት ኣይጸልውን እዩ። ናይ ሕጂ ገዛ ክራይኩም ወይ ናይ ዝሓለፈ ዝኾነ ይኹን ካብ ሚያዝያ 2020 ክሳብ ሰነ 2021 እትእወድዎ ክፍሊት ገዛ ክራይ ንክትከፍሉ ሓገዝ እንተደሊኹም፣ ቅድሚ እቲ ደው ምባል ምጅማሩ ነዚ ፕሮግራም ኣመልክቱ።  ነቲ መመልከቲ ንምምላእ ሓገዝ እንተደሊኹም፣ ንሓገዝ ናብ 2-1-1 ደውሉ። 

ሓበሬታ ብዛዕባ ካብ ገዛ ንኸይስጉጉ ዝወሃብ ዕቝባ 

እቲ ኣብ መላእ ኦሪገን ክሰርሕ ዝጸንሐ ናይ ምስጓግ ዕቝባ ኻብ 30 ሰነ 2021 ጀሚሩ ዝወደቐ ክኸውን እንከሎ ድሕሪ ደጊም ኣይሰርሕን እዩ። 

 ካብ ሓምለ 1 ጀሚሩ ኦሪጎን ሕጊ ሰኔት (Oregon Senate Bill) 278 ናይ ኦሪጎን ተኻረይቲ እንተድኣ ንናይ ክራይ ሓገዝ ኣመልኪቶም፡ ከምእውን እንተድኣ ናይ መመልከቲኦም ሰነድ ናብ ዋናታት ኣካረይቲ ገዛ ኣቕሪቦምዎ፡ ክራይ ብዘይምኽፋል ካብ ዝስዕብ ምስጓግ ናይ ዕቝባ  ውሕስነት ይህቦም።  ኣብ ኣውራጃ ማልትኖማ ዚነብሩ ብቑዓት ተኻረይቲ ነቲ ዘካርዮም ዋና ገዛ ዘድሊ ሰነዳት ድሕሪ ምሃቦም ን 90 መዓልቲ ካብ ምስጓግ ዝከላኸል ዕቝባ ክወሃቡ ይኽእሉ እዮም።  እዚ ናይ 90 መዓልትታት ግዜ ዝጅምረሉ ድማ፡ እቲ ተኻራዩ ናይ ክራይ ሓገዝ ንምርካብ ከም ዘመልከተ ዝገልጽ ሰነዳት ነቲ ኣካራዪ ዋና ገዛ ምስ ኣቕረበሉ እዩ። ተኻረይቲ እቲ ዝግባእ ሰነዳት ካብቲ ምስኦም ዝሰርሕ ዘሎ ናይ ክራይ ሓገዝ ኣቕራቢ ክረኽቡ ይኽእሉ።

በዚ ምኽንያት እዚ ኸኣ ብዛዕባ እዚ ዝስዕብ ብጽኑዕ ንምሕጸን፦ ተኻረይቲ ክራይ ገዛ ኪኸፍሉ ዘይኽእሉ እንተደኣ ኰይኖም ብኡንብኡ ናይ ክራይ ገዛ ሓገዝ ንምርካብ ከመልክቱ ኣለዎም።

እቲ መመልከቲ ወረቐትኩም ብኸመይን መዓስን ከም እተቕርቡ ተወሳኺ ሕቶታት እንተ ኣልዩኩም፡ ብኽብረትኩም ምስ ኣወሃሃዲ ክራይ ገዛኹም ወይድማ ምስ ናይ ኦሬገን ማእከል ሕጊ፣ ወይድማ ምስ ማሕበኮም ምሕዝነት ተኻረይቲ፣ ወይድማ ምስ ሕጋዊ ረድኤት ኣገልግሎት ኦሬገን ተዘራረቡ። 

እቶም ተኻረይቲ ብሰንኪ እቲ ኻብ ሚያዝያ 2020 ክሳዕ ሰነ 2021 ዘሎ ኣዋርሕ ዘይተኸፍለ ክራይ ገዛ ኺስጐጉ ኸም ዘይክእሉን ነቲ ገዛ ክራይ ንኽኸፍልዎ ድማ ክሳዕ 28 ለካቲት 2022 ዓ.ም ግዜ ከምዝወሃቦም ብኽብረትኩም ኣስተውዕሉ።

ንስኹም ወይድማ ስድራ ቤትኩም ክራይ ገዛ ብዘይምኽፋልኩም ከም እተሰጕጉ ዚገልጽ ምልክታ እንተ ተቐቢልኩም ቀልጢፍኩም ናብ 2-1-1 ደዊልኩም ደውሉ።

ኣብ ኣውራጃ ማልትኖማ ናይ ክራይ ሓገዝ ንምቕባል ብቑዕ ምዃን

Happy black family hugging and embracing on couchኣብ ኣውራጃ ማልትኖማ ትነብሩ እንተኰንኩም እሞ ብሰንኪ እቲ ለበዳ ሕማም ክራይ ገዛ ንምኽፋል ትሽገሩ እንተደኣ ኣሎኹም፡ ሓገዝ ክትረኽቡ ትኽእሉ ኢኹም። ብቑዕ ንምዃን ነዚ ኣብ ታሕቲ ዘሎ ዅሉ መለክዒታት ከተማልኡ ኣሎኩም፦  

  1. ኣብ ኦሬገን ተኻሪኹም እንነብሩ እሞ ገና ዘይተኸፍለ ናይ ክራይ ዕዳ ዘሎኩም ኢኹም። 
  2. ሓደ ወይ ካብኡ ንላዕሊ ኣባላት ስድራቤትኩም እቲ ኮቪድ-19 ዚብሃል ለበዳ ሕማም ክራይ ገዛ ወይ መሳለጥያታት ናይ ምኽፋል ክእለትኩም ብኸመይ ከም ዝጸለዎ ብቐጥታ ወይ ብተዘዋዋሪ መንገዲ ከርእዩ ምስዝኽእሉ።

  3. ዓመታዊ ኣታዊ ናይ ስድራቤትኩም ከምቲ ናይ ከባቢ ማእከላይ ገምጋም ኣታዊ ኣብ 80 ሚእታዊት ወይድማ ካብኡ ንታሕቲ ምስዝኸውን።  ። ብመንገዲ ኣታዊኹም ብቑዕ ምዃንኩም ንምውሳን ነዚ ኣብ ታሕቲ ዘሎ ሰሌዳ ተጠቐሙ።

ብዝሒ ኣባላት ቤተሰብ 

80% ማእከላይ ገምጋም ኣታዊ (AMI)

1 $54,150
2 $61,900
3 $69,650
4 $77,350
5 $83,550
6 $89,750
7 $95,950
8 $102,150