Macluumaadka Xiriirada: Tim Scott ama Edward Gutiérrez, 503-988-VOTE (8683)
Talaabadada, Maarso 5, 2024: wakhtiga loo cayimay araajida musharixiinta Degmada Multnomah iyo Metro ayaa ku eeg Talaadada, Maarso 12, Doorashada Xisbiyada ee Maajo 21, 2024
Mudada loo cayimay Soo gudbinta araajida Musharaxiinta Degmada Multnomah iyo Metro ayaa ku eeg Talaadada, Maarso 12, Doorashada Xisbiyada ee Maajo 2024.
Maalinta Doorashada waxaa inaga xiga kaliya laba bilood waxaana la qaban doonaa Maayo 21, 2024. Mudada loo cayimay soo gudbinta araajida Musharaxiinta Degmada Multnomah iyo Metro ayaa ku eeg 5 galabnimo Talaadada, Maarso 12. Murashixiinta doonaya inay u tartamaan jagooyinkaan waa inay soo gudbiyaan codsiga inta aan la gaadhin waqtiga loo asteeyay. Maarso 12 marka ay tahay 5 galabnimo ayaa sidoo kale ah waqtiga loo cayimay soo gudbinta xubnaha Gudigga Xuduuda. Shakhsiyaadka Gudida Xuduudu waxay buuxin karaan foomka onleynka ah ee Diiwana gelinta Murashixiinta: Precinct Committeeperson (SEL 105).
Tartannada musharixiinta Magaallada Portland ayaan kasoo muuqan doonin codbixinta Maajo 2024. Tartanka musharixiinta xafiisyada la doorto ee Portland ayaa kasoo muuqan doona marka xigta codbixinta Nufeembar 5, 2024 - taasoo sidoo kale noqon doonta markii koobaad ee degmadu adeegsato nidaamka codeynta dookhyada kala horeeya. Si aad xog badan uga ogaato nidaamka codeynta dookhyada kala horeeya ee doorashooyinka soo socda ee Magaallada Portland, booqo www.portland.gov/vote.
Samayso qorshe si aad u codayso Doorashooyinka bisha Maajo!
Kahor waqtiga kama-dambaysta ah ee Maalinta Doorashooyinka ee 21-ka Maajo, Laanta Doorashooyinka ee Degmada Multnomah waxay weydiisaneysaa cod-bixiyeyaasha inay Sameeyaan Qorshe ay ku CODEEYAAN! Liiska diiradda la saaray ee codeeyayaasha waxay marayaan shan talaabo si loo xaqiijiyo in codkooda la tiriyay:
- Isdiiwaan geli si aad ugu CODEYSO una DOORATO Xisbi hadii aad doonayso.
- Warqadaada codaynta hel.
- KURID warqadaada codaynta.
- Soo celi warqadaada codaynta.
- COD yeelo oo horseed isbadel.
Marka kowaad - Is Diiwaan geli si aad u CODAYSO. Wakhtiga kama danbaysta ah ee Diiwaan gelinta Codbixiyaha waa Abriil 30, 2024.
Waqtiga kama dambaysta ah ee diiwaan gelinta Codbixiyaha ee doorashada Maajo 21 waa Talaado, Abriil 30. Iska diiwaan geli si aad ku codaynso oonlayn ahaan oregonvotes.gov/register. Waxa aad xaqiijisaa inaad cusboonaysiiso isdiiwaan gelintaada wakhti kasta oo aad guurto, badasho magaca, ama aad doonayso inaad badasho xisbiga aad taageereyso.
Abriil 30 ayaa sidoo kale ah Waqtiga Loo cayimay Doorashada Xisbiyada. Cod bixiyayaasha doonayo inay codeeyaan doorashooyinka xisbiyada ee xidhan ee Dimuqraadiga ama Jamhuuriga waa inay iska diiwaan geliyaan xubinimadooda xisbiga mudada ay ku eeg tahay. Codbixiyaasha aan ka tirsanayn wax xisbi, ama ka tirsan xisbi yar, ayaa heli doona waraaqda codbixinta oo ay ku qoran yihiin xafiisyada aan xisbiyada ku xirnayn ee gobalka iyo kuwa maxaliga ah iyo talaabooyinka ay qaadayaan. Waxaa la joogaa xiligii aad hubin lahayd in diiwaankaaga codbixiyaha uu ku qoran yahay ciwaankaaga saxda ah ee guriga iyo boostada. Markaa, iska diiwaan geli Lasoco Warqadaada Codaynta marka aad eegto isdiiwaan gelintaada.
Hel warqadaada codaynta.
Waxaad warqadaada codbixinta ku helaysaa Boostada laga bilaabo Maajo 1. Hadii aanad helin warqadaada codaynta Maayo 9, qaad talaabo adiga oo ka wacaaya waaxda Doorashooyinka Degmada Multnomah 503-988-VOTE (8683) si aad u codsato badelka warqadaada codaynta. Haddii aad ka maqnaan doontid degmada xiliga doorashadan, waad isdiiwaan gelin kartaa si aad u hesho warqadda codbixinta qofka maqan, oo la heli karo laga bilaabo Abriil 8, 2024.
KU CODEE warqadaada codaynta.
Xasuuso inaad saxeexdo bushqada warqada codaynta lagu soo celinayo. Saxeexaagu ayaa ah aqoonsigaaga. Saxeex kasta oo warqad kasta waa la eegi doonaa si loo xaqiijiyo inuu lamid yahay saxeexa ku yaala diiwaan gelinta codbixiyaha. Hadii aad ilawdo inaad saxeexdo, ama haddii saxeexaagu is yeelan waayo waxa aanu kuu soo diri doonaa warqad oo waxa aanu kugula soo xidhiidhi doonaa Lasocodka Warqadaada Codaynta si aad talaabo u qaadi karto oo codkaaga loo tiriyo.
Miyaad qabtaa wax su'aalo ah ama baahi in lagaa caawiyo ah codaynta? Kaalmada codaynta ayaad helaysaa haddii aad qabto naafo ama aad u baahan tahay in lagugu caawiyo luuqad kale oo aan Ingiriisi ahayn. Wac 503-988-VOTE (8683).
Soo celi warqadaada cod-bixinta.
Waxaad haysataa laba dookh oo kale ah soo celinta warqaddaada cod-bixinta. Xili hore codee oo warqadaada codbixinta ku soo celi boostada, ama gee Sanduuqa Codbixinta ee Rasmiga ah.
Haddii aad boostada ku soo dirayso warqadaada codbixinta, uma baahnid tiimbare! Waraaqaha codaynta ee ay ku qoran tahay wixii ka horeeya ama Maalinta Doorashada, Maajo 21, 2024.
Lixda Xarumood ee Rasmiga ah ee Sanduuqyada Codbixinta ayaa la raray ama la rari doonaa sabab la xiriirta dhismaha Maktabada, laakiin wali waxaa furan in ka badan 30 goobood oo kuu adeegaaya!
Dhammaan codbixiyayaasha diwaangashan ee Degmada Multnomah waxay heli doonaan warqada codbixinta doorashada Maajo 21, 2024. Fadlan xili hore hubi haddii aad doonayso inaad waraaqda codbixinta gayso Goobta Codbixinta Rasmiga ah oo ku taala xarunta Maktabada Degmada Multnomah. Mashruucyada dhismaha oo ay suuragelisay lacagta daynta ah ee maktabada oo codbixiyaashu aqbaleen ayaa saamayn ku yeelanaaya Goobaha Codbixinta Rasmiga ah ee ku yaala lixda xarumood ee maktabada ayna ku jiraan:
- Magaallada Portland: Maktabada Albina, Maktabada Hillsdale, Maktabada Holgate, Maktabada Midland, Maktabada North Portland
- Magaallada Fairview: Maktabada Fairview-Columbia
Haddii aad badanaa tagto midkood xarumahaan maktabadaha, waxaad ka helaysaa liiska goobaha sanduuqa codbixinta rasmiga ah iyo sida aad warqada codbixinta u gayn karto mid kamid ah goobaha sanduuqyada codbixinta ee rasmiga ah ee Degmada Multnomah adoo booqanaaya webseedkeena oo ah www.MultCo.us/DropSites.
Tirada Maalmaha Ka Hadhay Maalinta Doorashad ee Maajo 21
- Wakhtiga loo cayimay araajida musharixiinta ayaa ku eeg: Talaadada, Maarso 12, 2024
- Waraaqaha Codaynta waxaa loo wada dirayaa dhammaan dadka xaafadaha ku nool: Abriil 24-25, 2024
- Xarunta Codbixinta Degdega ah ee Gresham Waxaa La Furayaa: -Abriil 25, 2024
- Taariikhda Kama Danbeysta ah ee Diiwaangelinta Codbixiyaha: Talaadada, Abriil 30, 2024
- Waraaqaha codbixinta waxaa loogu diri doonaa boosta cod-bixiyeyaasha: Arbacada, Maajo 1, 2024
- Dhamaan codbixiyaashu waa inay helaan waraaqahooda codaynta: Khamiista, Maayo 9, 2024
- Maalinta Doorashadu: Talaadada, Maayo 21, 2024
- Natiijada doorashada ee kama danbaysta ah waxaa la shaacin doonaa: Isniinta, Juun 17, 2024
Xafiiska Guud:
Multnomah County Duniway-Lovejoy Elections Building
1040 S.E. Morrison St., Portland, AMA 97214
Goobta Gresham:
Waxay furan tahay Abriil 25 - Maajo 21, 2024
Xarunta Codbixinta Degdegga ah ee Dhismaha Bari ee Degmada Multnomah
600 N.E. 8th St., Gresham, AMA 97030
Taleefan: 503-988-VOTE (8683)
Iimeyl: elections@multco.us
Webseedka: www.MultnomahVotes.gov